SUN குழுமத்திலிருந்து வெளிவரும் காலை நாளிதழ்

ரோபோ ஹோட்டல், எலிகளுடன் சர்வதேச விண்வெளி மையம் சென்றடைந்தது விண்கலம்

2019-12-10@ 11:34:41

ரோபோ ஹோட்டல் மற்றும் சோதனைக்காக எலிகளுடன் விண்கலம் ஒன்று சர்வதேச விண்வெளி மையம் சென்றடைந்தது.ரோபோ டூல்ஸ்களை பாதுகாக்கும் முயற்சியில் ஒரு பாதுகாப்புமிக்க சேமிப்பு அலமாரியை ஏற்படுத்த உள்ளது. விண்வெளியில் அமைய உள்ள இந்த அலமாரி உடன் ஒரு ‘ரோபோ ஓட்டலும்’ இணைக்கப்பட உள்ளது. இந்த ஓட்டலில் முதலாவதாக இரண்டு ரோபோக்கள் தங்க வைக்கப்பட உள்ளன.

இந்த இரண்டு ரோபோக்களும் விண்வெளி மையத்தில் ஏதேனும் லீக் ஏற்படுகிறதா என்பதைத் தொடர்ந்து ஆராயும். குறிப்பாக அமோனியா வாயு வெளியேற்றத்தை அறிந்து அதை சரிசெய்ய இந்த ரோபோக்கள் உதவும். 2015-ம் ஆண்டு இந்தப் பிரச்சினைக்காக முதன்முதலில் ஒரு ரோபோ உருவாக்கப்பட்டது.இதற்குத் துணையாகத்தான் இந்தாண்டு லீக் ஏற்படுவதைக் கண்டுபிடிக்க மற்றொரு ரோபோவும் சர்வதேச விண்வெளி மையம் அருகே உள்ள ரோபோ ஓட்டலுக்குக் கொண்டு வரப்படுகிறது.

பாதுகாக்கப்படும் ரோபோ டூல்ஸ்களை கதிர்வீச்சு, எரிக்கற்கள், விண்வெளியில் உலவும் சிறு மற்றும் பெரு துகள்கள் ஆகியவற்றிலிருந்து பாதுகாக்க இந்த இரண்டு ரோபோக்கள் ‘ரோபோ ஓட்டலில்’ தங்கி பணியாற்றும். நாசாவுக்கான புதிய பொருட்கள் மற்றும் உபகரணங்களை வழங்குவதற்காக வந்த ஸ்பேஸ்எக்ஸ் டிராகன் விண்கலம் ஞாயிற்றுக்கிழமை அதிகாலை சர்வதேச விண்வெளி நிலையத்திற்கு வந்தடைந்தது. தென் பசிபிக் வழியாக 262 மைல் (421 கிலோமீட்டர்) பயணம் செய்து விண்வெளி ஆய்வு நிலையத்தை ஸ்பேஸ்எக்ஸ் டிராகன் விண்கலம் அடைந்து உள்ளது.

விண்வெளியில் எடையற்ற தன்மை காரணமாக  ஏற்படும் தசை மற்றும் எலும்பு இழப்பின் விளைவுகளை ஆய்வு செய்வதற்காக பரிசோதனையின் ஒரு பகுதியாக டிராகன் 40  எலிகளையும்  கொண்டு சென்று உள்ளது.மேலும், பார்லி விதைகள் விண்வெளியில் எவ்வாறு வளரக்கூடும் என்பதை சோதிக்க கொண்டு செல்லப்பட்டு உள்ளன.எலிகள் விண்வெளி நிலையத்தில் நான்கு வாழ்விடங்களில் வாழ்கின்றன, மேலும் ஜனவரி மாதம் திரும்பிய பின் பூமியில் மற்ற  எலிகளுடன் ஒப்பிட்டு சோதனை நடத்தப்படும்.


மேலும் செய்திகள்

Like Us on Facebook Dinkaran Daily News
  • varaverppu stage20

    உலகின் மிக பெரிய கிரிக்கெட் மைதானத்தில் நடைபெற்ற பிரமாண்ட நமஸ்தே டிரம்ப் நிகழ்ச்சி : அதிபர் டிரம்ப், மோடி சிறப்புமிக்க உரை ; ஒரு லட்சம் பேர் பங்கேற்பு

  • america athipar2020

    காந்தியின் சபர்மதி ஆசிரமத்தில் ராட்டையை சுழற்றி பார்த்த அதிபர் டிரம்ப்: ஆசிரமத்தின் பெருமைகளை ட்ரம்ப்பிற்கு எடுத்துரைத்தார் பிரதமர் மோடி!!

  • trumb12020

    இந்திய மண்ணில் முதன் முறையாக கால் பதித்த அமெரிக்க அதிபர் ட்ரம்ப்!: அகமதாபாத்தில் ஆரத்தழுவி பிரதமர் மோடி வரவேற்பு!!

  • school20

    ஸ்ரீநகரில் 7 மாதங்களுக்கு பிறகு மீண்டும் இன்று பள்ளிகள் திறப்பு: மாநில கல்வித்துறை இயக்குனர் அறிவிப்பு

  • jaya20

    முன்னாள் முதல்வர் ஜெயலலிதா பிறந்தநாளையொட்டி அவரது திருவுருவ படத்திற்கு ஈ.பி.எஸ்., ஓ.பி.எஸ் உள்ளிட்டோர் மலர் தூவி மரியாதை

படங்கள் வீடியோ கல்வி சினிமா ஜோ‌திட‌ம்