SUN குழுமத்திலிருந்து வெளிவரும் காலை நாளிதழ்

19 ஆண்டுகளில் 38 லட்சம் மாருதி ஆல்டோ விற்பனை

2019-12-08@ 00:24:00

இந்திய மார்க்கெட்டில், மாருதி சுசுகி நிறுவனத்தின் ஆல்டோ வரிசை கார்கள் எப்போதுமே சிறந்த விற்பனை எண்ணிக்கையை பெறுகிறது. ஆல்டோ மாடல் காரை மாருதி நிறுவனம் கடந்த 2000ம் ஆண்டு இந்தியாவில் அறிமுகப்படுத்தியது.  அன்றில் இருந்து தற்போது வரை, அதாவது கடந்த 19 ஆண்டுகளில் சுமார் 38 லட்சம் ஆல்டோ கார்கள் இந்தியாவில் விற்பனையாகியுள்ளது. முதல் 15 ஆண்டுகள், ஆல்டோ மாடல்தான் இந்தியாவின் மிகச்சிறந்த விற்பனை காராக விளங்கியது.  ஆல்டோ கார்களின் எண்ணிக்கை 8 வருடங்களிலேயே 10 லட்சத்தை மிக எளிதாக எட்டியது.

இந்நிலையில், கடந்த 2010-ம் ஆண்டு மாருதி நிறுவனத்தில் இருந்து, புதிய ஆல்டோ வரிசை காராக, ஆல்டோ கே10 என்னும் கார், நவீன தொழில்நுட்பங்கள் மற்றும் அதிக திறன் வாய்ந்த இன்ஜினுடன் அறிமுகமானது. முதல் 10 லட்சம்  விற்பனை எண்ணிக்கையை தொட 8 வருடங்களை எடுத்துக்கொண்ட ஆல்டோ மாடல், அடுத்த 10 லட்சத்தை வெறும் 4 ஆண்டுகளில் எட்டிவிட்டது. ஆல்டோ மாடல் விற்பனை, 2016-ல் 30 லட்சம் என்கிற மைல்கல்லை எட்டியது.இந்திய கார் மார்க்கெட்டில் கடந்த 19 ஆண்டுகளாக ஆதிக்கம் செலுத்தி வரும் ஆல்டோ மாடல் குறித்து, மாருதி சுசுகி நிறுவனத்தின் நிர்வாக இயக்குனர் ஷஷான்க் வஸ்தாவா கூறுகையில், ‘’கம்பெக்ட் டிசைன், அதிக எரிபொருள் திறன்,  அப்டேட்டான பாதுகாப்பு அம்சங்களால் முதன்முறையாக கார் வாங்க நினைப்போருக்கு, முதல் தேர்வாக ஆல்டோ மாடல் உள்ளது’ என்றார்.


மேலும் செய்திகள்

Like Us on Facebook Dinkaran Daily News
  • 26-09-2020

    26-09-2020 இன்றைய சிறப்பு படங்கள்

  • 25-09-2020

    25-09-2020 இன்றைய சிறப்பு படங்கள்

  • 24-09-2020

    24-09-2020 இன்றைய சிறப்பு படங்கள்

  • mumbairain23

    விடாத கனமழையால் தண்ணீரில் மிதக்கும் மும்பை மாநகரம்!: சாலையில் தேங்கிய மழைநீரால் போக்குவரத்து பாதிப்பு..!!

  • ele23

    தென் ஆப்பிரிக்காவின் போட்ஸ்வானாவில் நஞ்சு உருவான நீரைப் பருகிய 300க்கு மேற்பட்ட யானைகள் திடீர் பலி!: ஆய்வாளர்கள் அதிர்ச்சி..!!

படங்கள் வீடியோ கல்வி சினிமா ஜோ‌திட‌ம்