SUN குழுமத்திலிருந்து வெளிவரும் காலை நாளிதழ்

அமெரிக்க கடற்படை தளத்தில் கப்பல் மாலுமி திடீர் தாக்குதல்: இந்திய விமான படை தளபதி தப்பினார்

2019-12-06@ 00:10:37

லாஸ் ஏஞ்செல்ஸ்: அமெரிக்காவின் ஹவாயில் உள்ள கடற்படை, விமான தளத்தில் நீர்மூழ்கி கப்பல் மாலுமி நடத்திய துப்பாக்கிச்சூட்டில் 2 பேர் பலியானார்கள். இந்த துப்பாக்கிச் சூட்டில் இந்திய விமானப்படை தளபதி உயிர் தப்பினார். அமெரிக்காவில் உள்ள ஹவாய் தீவில், அமெரிக்காவின் மிக பிரமாண்டமான  ‘பியர்ல்’ கடற்படை தளமும், விமானப்படை தளமும் இயங்கி வருகின்றன. நேற்று முன்தினம் இந்த கடற்படை தளத்தின் தெற்கு நுழைவு வாயில் வழியாக உள்ளே நுழைந்த மர்ம நபர் அங்கிருந்தவர்களை நோக்கி கண்மூடித்தனமாக துப்பாக்கியால் சுட்டார். இந்த துப்பாக்கிச்சூட்டில் குண்டு பாய்ந்து 2 பேர் சம்பவ இடத்திலேயே உயிரிழந்தனர். மேலும், குண்டு பாய்ந்த சிலர் ஆபத்தான நிலையில் மீட்கப்பட்  மருத்துவமனையில் அனுமதிக்கப்பட்டுள்ளனர். துப்பாக்கிச்சூடு நடத்திய நபர் தன்னை தானே துப்பாக்கியால் சுட்டு தற்கொலை செய்து கொண்டார். துப்பாக்கிச்சூடு நடத்தியவர், ‘யுஎஸ்எஸ் கொலம்பியா’ என்ற நீர்மூழ்கி கப்பலின் மாலுமி என அடையாளம் காணப்பட்டுள்ளது.

இது குறித்து வெள்ளை மாளிகை செய்தி தொடர்பாளர் ஹோகன் கிட்லே கூறுகையில், “துப்பாக்கிச்சூடு சம்பவம் குறித்து அதிபர் டிரம்ப் விரிவாக கேட்டறிந்தார். அங்குள்ள நிலைமையை உன்னிப்பாக கண்காணித்து வருகிறோம்,” என்றார். பியர்ல் கடற்படை விமானப்படை தளத்தில் தற்போது, இந்தோ-பசிபிக் விமான படை தளபதிகளுக்கான மாநாடு நடைபெற்றது. இதில், இந்திய விமானப் படை தளபதி ரகேஷ் குமார் சிங் பதாரியா தலைமையிலான குழு கலந்து கொண்டது. இங்கு துப்பாக்கிச்சூடு நடந்தபோது, இவர் அங்குதான் இருந்தார். ஆனால், அவரும்,  இந்திய குழுவினரும் பாதுகாப்பாக இருந்தனர்.

மேலும் செய்திகள்

Like Us on Facebook Dinkaran Daily News
  • china-1000-rains

    சீனாவில் 1,000 ஆண்டுகளில் இல்லாத அளவு கொட்டி தீர்த்த பெருமழை!: தண்ணீரில் தத்தளிக்கும் மக்கள்..!!

  • girlss_saydi

    சவுதி அரேபியாவில் உள்ள மெக்கா, மதினாவில் பாதுகாப்பு பணியில் முதல் முறையாக பெண் ராணுவத்தினர்!!

  • amesaann11

    அமேசான் நிறுவனர் ஜெப் பெசாஸின் முதல் விண்வெளி சுற்றுலா பயணம் : மெய்சிலிர்க்க வைக்கும் படங்கள்!!

  • marina-sculptures22

    மெரினாவின் அழகை மெருகூட்டும் பிரம்மாண்ட உலோக சிற்பங்கள்!: சென்னை மாநகராட்சியின் சிறந்த முயற்சி..!!

  • 5starrrr

    5 -ஸ்டார் ஹோட்டல்.. பிரார்த்தனை கூடம், குழந்தைகளுக்கு பாலூட்டும் அறை : விமான நிலையம் பாணியில் குஜராத் ரயில் நிலையம்!!

படங்கள் வீடியோ கல்வி சினிமா ஜோ‌திட‌ம்