SUN குழுமத்திலிருந்து வெளிவரும் காலை நாளிதழ்

உள்ளாட்சி தேர்தல் தொடர்பான திமுகவின் வழக்கை டிசம்பர் 5ம் தேதி அவசர வழக்காக விசாரிக்கிறது உச்சநீதிமன்றம்

2019-12-02@ 11:12:10

சென்னை: உள்ளாட்சி தேர்தல் தொடர்பான திமுகவின் வழக்கை டிசம்பர் 5ம் தேதி அவசர வழக்காக விசாரிப்பதாக உச்சநீதிமன்றம் தெரிவித்துள்ளது. திமுகவின் கோரிக்கையை ஏற்று உள்ளாட்சி தேர்தல் வழக்கை விசாரிக்க உச்சநீதிமன்றம் ஒப்புதல் வழங்கியுள்ளது. வார்டு மறுவரையறை பணிகளை முடிக்காமல் உள்ளாட்சி தேர்தலை நடத்த கூடாது என திமுக வழக்கு தொடர்ந்தது. கடந்த 3 ஆண்டுகளுக்கும் மேலாக தமிழகத்தில் உள்ளாட்சி தேர்தலை நடத்தாமல் இருந்த நிலையில் டிசம்பர் 28, 30 தேதிகளில் கிராமப்புற உள்ளாட்சி அமைப்புகளுக்கு தேர்தல் நடைபெறும் என மாநில தேர்தல் ஆணையம் அறிவித்துள்ளது. இதற்கான வேட்புமனு தாக்கல் 6ம் தேதி ஆரம்பம் ஆகும் என்றும், டிசம்பர் 16ம் தேதி வேட்புமனு பரிசீலனை செய்யப்படும் எனவும் தெரிவித்துள்ளது. வேட்புமனு தாக்கல் செய்ய கடைசி நாள் டிச.13ம் தேதி, வேட்புமனுவை திரும்பப்பெற டிச.18ம் தேதி கடைசிநாள் என அறிவிக்கப்பட்டுள்ளது.

இதையடுத்து, மாநகராட்சி, நகராட்சி, பேரூராட்சிகளுக்கு தேர்தல் தேதி பின்னர் அறிவிக்கப்படும் என தெரிவிக்கப்பட்டுள்ளது. முன்னதாக உள்ளாட்சி தேர்தலை உடனடியாக நடத்தவேண்டும் எனக்கூறி உச்சநீதிமன்றத்தில் வழக்கு தொடரப்பட்டது. இந்த வழக்கை விசாரித்த நீதிமன்றம், அடுத்த விசாரணை வருவதற்குள் தேர்தல் நடத்துவது தொடர்பான அறிவிப்பாணையை மாநில தேர்தல் ஆணையம் வெளியிட வேண்டும் என உத்தரவிட்டது. மேலும் பல்வேறு உத்தரவுகளை பிறப்பித்து வழக்கை டிச.13ம் தேதிக்கு ஒத்திவைத்து. இந்த நிலையில், உள்ளாட்சி தேர்தல் நடத்துவது தொடர்பான அறிவிப்புகள் இன்று வெளியாகியுள்ளன. இதனிடையே, கடந்த 29ம் தேதி திமுக தரப்பில் ஆஜரான மூத்த வழக்கறிஞர் நேற்று உச்சநீதிமன்றத்தில் புதிய மனு ஒன்றை தாக்கல் செய்தார். அதில், தமிழகத்தில் உள்ளாட்சி தேர்தல் அறிவிப்பாணை வெளியிடுவதற்கு முன் தொகுதி மறுவரையறை  சட்ட நடைமுறைகளை பூர்த்தி செய்ய உத்தரவிட வேண்டும்.

அரசியல் சட்ட விதிகளுக்கு உட்பட்டு அனைத்து பணிகளும் முடிக்க வேண்டும். இதில் ஏற்கனவே தொகுதி மறுவரையறை மற்றும் பல்வேறு கோரிக்கைகளை முன்வைத்து திமுக சார்பில் உச்ச நீதிமன்றத்தில் தொடர்ந்த மனு மீது இன்னும் இறுதி தீர்ப்பு எதுவும் பிறப்பிக்கப்படாத நிலையில், மாநில தேர்தல் ஆணையம் தேர்தல் குறித்த அறிப்பாணையை வெளியிடக்கூடாது. இது குறித்து தமிழக அரசு மற்றும் மாநில தேர்தல் ஆணையத்திற்கு நீதிமன்றம் உத்தரவிட வேண்டும் என குறிப்பிடப்பட்டிருந்தது. மேலும் இந்த வழக்கை இன்று அவசர வழக்காக விசாரிக்க வேண்டும் எனக்கூறி திமுக தரப்பில் முறையீடு செய்யப்பட்டிருந்தது.  இதனை தொடர்ந்து, திமுக தாக்கல் செய்த உள்ளாட்சி தேர்தல் வழக்கை விரைந்து விசாரிப்பதாக உச்சநீதிமன்ற தலைமை நீதிபதி ஒப்புதல் வழங்கியிருந்தார். அதன்படி, இந்த வழக்கை டிசம்பர் 5ம் தேதி விசாரிப்பதற்கு பட்டியலிடப்பட்டுள்ளது.

மேலும் செய்திகள்

Like Us on Facebook Dinkaran Daily News
  • 300kg11

    பிரான்சில் 300 கிலோ எடையுள்ள நபரை, வீட்டினை உடைத்து கிரேன் மூலமாக மீட்ட மீட்புப் படையினர்!!

  • monkey_thaayklannn1

    குரங்குகளுக்கு உணவு வழங்கும் திருவிழா : தாய்லாந்தில் வினோதம்!!

  • eelephanttt11

    35 ஆண்டுகள் சிறை வாழ்க்கை வாழ்ந்த உலகின் தனிமையான காவன் யானைக்கு புதிய வாழ்க்கை : துதிக்கையை கொடுத்து மகிழ்ச்சியை வெளிப்படுத்தியது

  • muskes_ambani11

    27 தளங்கள், 3 ஹெலிகாப்டர் இறங்கு தளம், 168 கார் பார்க்கிங், 9 விரைவு லிப்டுகள்,600 ஊழியர்கள்... உலகின் 2வது பிரமாண்டம் மிகுந்த முகேஷ் அம்பானியின் வீடு!!

  • delhi_farmnmmmeee

    திறந்தவெளியில் சமைத்து, கடும் குளிர் சாலையில் உறங்கியபடி, 7ம் நாளாக தொடர் போராட்டம் :டெல்லியில் மிரளவைக்கும் வைக்கும் விவசாயிகளின் கிளர்ச்சி!!

படங்கள் வீடியோ கல்வி சினிமா ஜோ‌திட‌ம்