SUN குழுமத்திலிருந்து வெளிவரும் காலை நாளிதழ்

தொம்பரம்பேடு கிராமத்தில் உள்ள ஸ்ரீமகா கால பைரவர் கோயிலில் ஜெயந்தி விழா

2019-11-21@ 20:43:52

ஊத்துக்கோட்டை: திருவள்ளூர் மாவட்டம் ஊத்துக்கோட்டை அருகே தொம்பரம்பேடு கிராமத்தில் உள்ள ஸ்ரீமகா கால பைரவர் கோயிலில் பைரவர் ஜெயந்தி விழா  நேற்று முன்தினம்  மாலை காப்பு கட்டி கலச ஸ்பான நிகழ்ச்சியுடன் தொடங்கியது. நேற்று  காலை 6 மணிக்கு கணபதி ஹோமம் மற்றும் பூஜைகள் நடைபெற்றது. இதன்பின்னர் 64 கலச பைரவ ஆராதனை, 64 பைரவ ஹோமம் பூர்ணாஹுதி நடைபெற்றது. 7 மணிக்கு பெருமாள் கோயிலில் இருந்து ஆபரணப்பெட்டியில் வெள்ளி கவசம் எடுத்துக்கொண்டு திருக்குடை ஏந்தி, பெண்கள் தலையில்  பால்குடம் ஏந்தியும் ஊர்வலமாக சென்று பைரவருக்கு பாலாபிஷேகம் செய்தனர்.

8 மணிக்கு 64 கலச புறப்பாடு, கலச அபிஷேகம் மற்றும் பைரவருக்கு வெள்ளிக்கவசம் சாற்றி சிறப்பு தீபாராதனை நடந்தது. 11 மணிக்கு உற்சவருக்கு திருக்குடை  சாற்றி  ஊஞ்சல் சேவை நடைபெற்றது. பிற்பகல் 3 மணிக்கு பைரவ பீஜாசரவ ஹோமம், நவ பைரவ கலச புறப்பாடு அஷ்டபைரவர், ஆதி பைரவருக்கு பால், தயிர், பன்னீர் சந்தனம் மற்றும்  சிறப்பு திரவிய அபிஷேகம் நடத்தினர். ஜெயந்தி விழாவில் தொம்பரம்பேடு, ஊத்துக்கோட்டை, தாராட்சி, பெரியபாளையம், திருவள்ளூர், கும்மிடிபூண்டி, செங்குன்றம் மற்றும் சென்னை உள்ளிட்ட பகுதிகளில் இருந்து ஆயிரக்கணக்கான  பக்தர்கள் கலந்துகொண்டனர்.

இதற்கான ஏற்பாடுகளை கோயில் தர்மகர்த்தா டி.ஆர்.பழனி மற்றும் கிராம மக்கள் செய்திருந்தனர். நிகழ்ச்சியில் கலந்துகொண்ட அனைவருக்கும் அன்னதானமும், பிரசாதமும் வழங்கப்பட்டது. இவ்விழாவில் மகளிர் குழுக்களின் கோலாட்டம், கும்மியாட்டம் மற்றும் சிறுவர்களின் சிறப்பு நடன நிகழ்ச்சியும், வாணவேடிக்கைகளும் நடைபெற்றது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்