சரக்குகளை விடுவிக்க 50 ஆயிரம் லஞ்சம் பெற்ற சுங்கத்துறை அதிகாரி கைது
2019-11-20@ 00:35:19

* 4.71 லட்சம் பறிமுதல் * சிபிஐ அதிரடி
சென்னை: சரக்குகளை விடுவிக்க ₹50 ஆயிரம் லஞ்சம் பெற்ற சுங்கத்துறை அதிகாரியை சிபிஐ காவல் துறையினர் அதிரடியாக கைது செய்தனர். அவருக்கு சொந்தமான இடத்தில் நடத்தப்பட்ட சோதனையில் ₹4 லட்சம் பறிமுதல் செய்யப்பட்டது. சென்னை துறைமுகத்தில் சரக்குகளை மதிப்பீடு செய்யும் அதிகாரியாக பணிபுரிந்து வருபவர் முனுசாமி. இவர், சென்னை துறைமுகத்தில் உள்ள மதுக்குமார் என்பவரின் சரக்குகளை விடுவிக்க வேண்டும் என்றால் ₹80 ஆயிரம் லஞ்சம் தர வேண்டும் என்று கேட்டுள்ளார். இதை தொடர்ந்து லஞ்சத் தொகையை ₹ 50 ஆயிரமாக குறைத்துள்ளார். இந்நிலையில் முதற்கட்டமாக ₹40 ஆயிரத்தை வினோத் என்பவரிடம் மதுக்குமார் கொடுத்துள்ளார்.
மீதம் உள்ள ₹10 ஆயிரத்தை மதுக்குமாரிடமிருந்து முனுசாமி பெற்றபோது சிபிஐ போலீசார் முனுசாமியை கையும் களவுமாக பிடித்து கைது செய்தனர்.மேலும் முனுசாமிக்கு உடந்தையாக இருந்த வினோத்தையும் சிபிஐ கைது செய்தது. இதை தொடர்ந்து, இவர் மீது லஞ்சம் மற்றும் ஊழல் தடுப்பு சட்டத்தின் கீழ் வழக்கு பதிவு செய்து சிபிஐ சிறப்பு நீதிமன்றத்தில் ஆஜர்படுத்தி சிறையில் அடைத்தனர். இவர்களுக்கு சொந்தமான இடத்தில் சிபிஐ அதிகாரிகள் நடத்திய சோதனையில் ₹4.71 லட்சம் ரொக்கம் மற்றும் ஆவணங்கள் பறிமுதல் செய்யப்பட்டன.
மேலும் செய்திகள்
25 சண்டை கோழிகள் திருட்டு
அம்மன் தாலி திருட்டு
அதிகாரி வீட்டில் கொள்ளை
வீட்டில் அதிசயங்கள் நடக்கும்’ என்று மந்திரவாதி கூறியதால் 2 மகள்களை நரபலி கொடுத்த பேராசிரியர் தம்பதி: சித்தூர் அருகே பேராசையால் கொடூரம்
போரூர் சுங்கச்சாவடி மீது தாக்குதல் தமிழக வாழ்வுரிமை கட்சியினர் 6 பேர் கைது
ரூ.10 லட்சம் வரதட்சணை கேட்டு காதல் மனைவி சித்ரவதை: கணவன் கைது
குடியரசு தின விழாவில் பாரம்பரியத்தை பறைசாற்றும் கண்கவர் நிகழ்ச்சிகள் :மாமல்லபுரம் கடற்கரை கோவில், ராமர் கோவில் அலங்கார ஊர்திகள் பங்கேற்பு!!
சாலைகளில் படுத்து மறியல்... மாட்டு வண்டி, டிராக்டர்கள், ஆட்டோக்களில் பேரணி : விவசாயிகளுக்கு ஆதரவாக தமிழர்கள் ஆவேசப் போராட்டம்!!
அலங்கார ஊர்திகளின் அணிவகுப்பு, சாகசங்கள், பாரம்பரிய நடனங்களோடு குடியரசு தின விழா கோலாகலம் : விழாக்கோலம் பூண்டது மெரினா!!
26-01-2021 இன்றைய சிறப்பு படங்கள்
அற்புதங்களை கண்டு ரசிக்க 2 கண்கள் போதாது!: விஞ்ஞானிகளால் கூட நம்ப முடியாத சன் டூங் குகையின் ஆச்சரிய படங்கள்..!!