SUN குழுமத்திலிருந்து வெளிவரும் காலை நாளிதழ்

ஏர்பேக் காரில் செய்யக்கூடாதவை!

2019-11-17@ 00:54:20

 இன்றைய காலக்கட்டத்தில், சில கார்கள் விபத்தில் சிக்கும்போது, ஏர்பேக் விரிவடையாதது குறித்து சர்ச்சை ஏற்படுவது வழக்கமாகிவிட்டது. கார் ஓட்டுனர்கள் அறியாமல் செய்யும் சிறிய விஷயங்களால் உயிர் காக்கும் காற்றுப்பைகள்  விரிவடையாமல் போகும் துயரமான சம்பவங்கள் நடந்து வருகிறது. கார் வாங்கும்போது, விற்பனை பிரதிநிதிகள் இந்த விஷயத்தை கூறி இருப்பார்கள். சில ஷோரூம்களில் சொல்ல மறந்திருக்கலாம். ஆனால், சிறிய விஷயங்களை மறந்தால்,  ஏர்பேக் பிரயோஜனம் இல்லாமல் போகும் வாய்ப்புள்ளது. எனவே, ஏர்பேக் கார் வைத்திருப்பவர்கள் கண்டிப்பாக சில டிப்ஸ்களை பின்பற்ற வேண்டும். அதன் விவரம்:

1. இந்தியாவில் விற்பனையாகும் அனைத்து கார்களிலும் ஏர்பேக் என்பது அடிப்படை பாதுகாப்பு அம்சமாக கட்டாயமாக்கப்பட்டுவிட்டது. மேலும், பல பட்ஜெட் கார்களில்கூட விருப்பத்தின்பேரில் முன் இருக்கை பயணிக்கான ஏர்பேக் மற்றும் சைடு  ஏர்பேக்குகள் வழங்கப்படுகின்றன. ஆனால், இந்த கார்களில் சில சிறிய தவறு செய்தால்கூட ஏர்பேக் விரிவடையாது. மேலும், அதுவே சில ஆபத்தையும் விளைவித்துவிடும்.

2. சீட் பெல்ட் அணியாமல் காரில் பயணித்தால் ஏர்பேக் விரிவடையாது. குறுகிய தூர பயணம்தானே என கருதி பலர் சீட் பெல்ட் அணிவதில்லை. விபத்து எப்போது வேண்டுமானாலும் நடக்கலாம். எனவே, காரில் ஏறியவுடன் கண்டிப்பாக சீட்  பெல்ட் அணிந்துவிட்டு, காரை இயக்குவதை பழக்கமாக்கிக்கொள்ள வேண்டும்.

3. காரில் சீட் கவர் போடுவதால் ஏர்பேக் விரிவடையாது என்பது பலருக்கு தெரிந்திருக்க வாய்ப்பில்லை. எனவே, ஏர்பேக் உள்ள கார்களில் சீட் கவர் போடுவதை தவிர்க்க வேண்டும். குறிப்பாக, வெளிச்சந்தையில் சீட் கவர் வாங்கி போடக்கூடாது.  சீட் கவர் போடுவதால், முன்புற ஏர்பேக்குகள் மட்டுமின்றி, சைடு ஏர்பேக்குகளும் விரிவடையாது.

4. காரின் ஸ்டீயரிங் வீலுக்கு மிக நெருக்கமாக அமர்ந்து செல்வதை தவிர்க்கவும். அதாவது, சீட் பெல்ட் கண் இமைக்கும் நேரத்தில் விரிவடையும்போது முகத்தில் அறைந்து காயம் ஏற்பட வாய்ப்புகள் உள்ளன. எனவே, ஸ்டீயரிங் வீலில் இருந்து  குறிப்பிட்ட இடைவெளியில் அமர்ந்து ஓட்டுவது அவசியம். கார் வாங்கும்போதே டீலர்ஷிப் விற்பனை அதிகாரியிடம் இது குறித்து விளக்கம் கேட்டுக்கொள்வது நல்லது.

5. ஓட்டுனருக்கு பக்கத்தில் அமர்ந்து வரும் சிலர் டேஷ்போர்டு மீது கால் வைத்து பயணிப்பதை வழக்கமாக வைத்துள்ளனர். இதுவும் ஆபத்தில் முடிந்துவிடும். விபத்தின்போது ஏர்பேக் விரிவடைந்தால் மிக மோசமான காயங்களை  ஏற்படுத்திவிடும்.

6. ஏர்பேக் உள்ள கார்களில் டேஷ்போர்டின் மீது பொம்மைகள் மற்றும் இதர பொருட்களை வைத்துச்செல்வதை தவிர்க்க வேண்டும். குறிப்பாக, சக பயணிக்கான இருக்கை பக்கத்தில் உள்ள ஏர்பேக் விரிவடையும்போது மிக மோசமான  விபத்துக்களை ஏற்படுத்த வாய்ப்புள்ளது.

7. காரின் முன்புறத்தில் ‘’புல் பார்’’ எனப்படும் எக்ஸ்ட்ரா பம்பரை பொருத்துவதும் ஏர்பேக் விரிவடையாமல் போவதற்கு வழிவகுக்கும். காரின் முன்புறத்தில் குறிப்பிட்ட இடங்களில் பொருத்தப்பட்டு இருக்கும் சென்சார்களை வைத்துத்தான்  மோதலின்போது ஏர்பேக் விரிவடையும். இதுபோன்ற ’புல் பார்’ பொருத்தினால் சென்சார்களுக்கு மோதல் தாக்கம் போதிய அளவு கிடைக்காமல், ஏர்பேக் விரிவடையாமல் போவதற்கும் வாய்ப்பு அதிகம் உள்ளது.

8. தற்போது பெரும்பாலான கார்கள் ஏர்பேக்குடன்தான் வருகிறது. எனவே, ஏர்பேக் இருக்கும் கார்களில், வெளிச்சந்தையில் இருந்து ஆக்சஸெரீகளை வாங்கி பொருத்துவதை தவிர்க்கவும். பொதுவாக, எந்த கூடுதல் ஆக்சஸெரீகளையும்  பொருத்தாமல் இருப்பது நல்லது. மேற்கண்ட டிப்ஸ்களை பயன்படுத்தி, சரியான முறையில் அமர்ந்து, கார் ஓட்டுவது மிகுந்த பலன் தரும்.

மேலும் செய்திகள்

Like Us on Facebook Dinkaran Daily News
  • 300kg11

    பிரான்சில் 300 கிலோ எடையுள்ள நபரை, வீட்டினை உடைத்து கிரேன் மூலமாக மீட்ட மீட்புப் படையினர்!!

  • monkey_thaayklannn1

    குரங்குகளுக்கு உணவு வழங்கும் திருவிழா : தாய்லாந்தில் வினோதம்!!

  • eelephanttt11

    35 ஆண்டுகள் சிறை வாழ்க்கை வாழ்ந்த உலகின் தனிமையான காவன் யானைக்கு புதிய வாழ்க்கை : துதிக்கையை கொடுத்து மகிழ்ச்சியை வெளிப்படுத்தியது

  • muskes_ambani11

    27 தளங்கள், 3 ஹெலிகாப்டர் இறங்கு தளம், 168 கார் பார்க்கிங், 9 விரைவு லிப்டுகள்,600 ஊழியர்கள்... உலகின் 2வது பிரமாண்டம் மிகுந்த முகேஷ் அம்பானியின் வீடு!!

  • delhi_farmnmmmeee

    திறந்தவெளியில் சமைத்து, கடும் குளிர் சாலையில் உறங்கியபடி, 7ம் நாளாக தொடர் போராட்டம் :டெல்லியில் மிரளவைக்கும் வைக்கும் விவசாயிகளின் கிளர்ச்சி!!

படங்கள் வீடியோ கல்வி சினிமா ஜோ‌திட‌ம்