SUN குழுமத்திலிருந்து வெளிவரும் காலை நாளிதழ்

கடலில் மிதக்கும் விண்கல துறைமுகங்களை உருவாக்க எலன் மஸ்க் திட்டம்

2019-11-13@ 17:09:12

கடலில் 20 மைல் (32 கி.மீ) சுற்றளவுள்ள மிதக்கும் வணிக விண்கல துறைமுகங்களை உருவாக்க எலன் மஸ்க் திட்டமிட்டுள்ளார். அதில் இருந்து ஸ்டார்ஷிப் ராக்கெட்டுகள் சந்திரன் மற்றும் செவ்வாய் கிரகத்தை நோக்கி விண்ணில் செலுத்த முடியும். விண்கல துறைமுகம் போன்ற கடற்கரையிலிருந்து தொலைதூர இடமானது அடிக்கடி ஒலி-மாசுபடுத்தும் விண்ணில் ஏவப்படும் ஏவுகலன்கள் யாரையும் தொந்தரவு செய்யாது என்பதை உறுதிப்படுத்த தேவைப்படும் இடம் என்று அவர் ட்வீட் செய்துள்ளார். ஸ்டார்ஷிப் எனப்படும் பிக் பால்கான் ராக்கெட் (பிஎஃப்ஆர்), ஸ்பேஸ்எக்ஸின் திட்டமிடப்பட்ட நீண்ட கால சரக்கு மற்றும் பயணிகள் விண்கலம் ஆகும். இந்த ஒளிரும் வெள்ளி ராக்கெட் 100 பயணிகளை சுமக்கும் திறன்கொண்டது . 387 அடி நீளமுள்ள இந்த விண்கலம் சூப்பர் ஹெவி ராக்கெட் மூலம் இடத்தில் செலுத்தப்படும். மேலும் இது பூமியில் இரண்டு வெவ்வேறு புள்ளிகளுக்கு இடையில் பயணிக்கவும் பயன்படுத்தப்படலாம். அதாவது இது அமெரிக்காவிற்கும் ஐக்கிய அரபு அமீரகத்திற்கும் இடையில் ஒரு பயணத்தை மேற்கொள்ள உதாரணமாக சுமார் 90 நிமிடங்களை எடுத்துக்கொள்ளும்.

'ஏற்றுக்கொள்ளக்கூடிய இரைச்சல் நிலைகளுக்கு தக்கவாறு, பெரும்பாலான ஸ்டார்ஷிப் விண்கலங்கள் கடற்கரையில் இருந்து 20 மைல் / 30 கி.மீ தூரத்தில் இருக்க வேண்டும் ' மஸ்க் ட்விட்டரில் குறிப்பிட்டுள்ளார். இது குறிப்பாக தினசரி இயக்கும் விண்கலன்களுக்கும், பூமியில் ஓரிடத்தில் இருந்து மற்றொரு இடத்திற்கு செல்லவும் பயன்படும். கடந்த எட்டு ஆண்டுகளில் விண்வெளி பயணத்திற்கான மறுபயன்பாட்டு தொழில்நுட்பம் எவ்வளவு தூரம் முன்னேறியுள்ளது என்பது குறித்து ட்விட்டரில் ஒரு கருத்து பரிமாற்றத்தின் போது ஸ்பேஸ்எக்ஸ் தலைமை நிர்வாக அதிகாரியான எலன் மஸ்க் இந்த கருத்துக்களை தெரிவித்தார். விண்வெளிக்கு பயணம் மேற்கொள்ளும் பயணிகள் படகு மூலம் அல்லது எலன் மஸ்க் முன்னர் தெரிவித்த விரைவான வெற்றிட அடிப்படையிலான போக்குவரத்து அமைப்பான நிலத்தடி 'ஹைப்பர்லூப்' மூலம் விண்கல துறைமுகங்களை அடையலாம்.

'ஒவ்வொரு சில மணிநேரங்களுக்கும் பூஸ்டர் ரிஃப்லைட் மற்றும் ஒவ்வொரு 8 மணி நேரத்திற்கும் ஷிப் ரிஃப்ளைட் மூலம் ஸ்டார்ஷிப் முழுமையாக மீண்டும் பயன்படுத்தக்கூடியதாக இருக்கும். படகுகள் எதுவும் தேவையில்லை' என்று மஸ்க் ட்விட்டரில் குறிப்பிட்டுள்ளார். இதற்கு நேர்மாறாக, தற்போது ஸ்பேஸ்எக்ஸ் பயன்படுத்தும் 'ஃபால்கான்' என அழைக்கப்படுகின்ற ராக்கெட்டுகள் 80 சதவீதம் மட்டுமே மீட்கக்கூடியவை என்று அவர் கூறுகிறார். இது வளிமண்டலத்தின் பெரும்பகுதியைக் கடந்து செல்ல தேவையான, ஒவ்வொரு ஏவுதலுக்கும் பின்னர் மீட்கப்படுகின்ற வெப்ப-எதிர்ப்பு நோஸ்கோன்கள் எனப்படும் ராக்கெட்டின் பெய்ரிங்ஸ்-ஐ நம்பியுள்ளது.

இந்த பெய்ரிங்ஸ் மிகவும் விலைமதிப்புடையவை. ஃபால்கான் ஹெவி இராக்கெட்டுகள் ஒவ்வொன்றிற்கும் இதன் மதிப்பு 6 மில்லியன் டாலர்கள் ஆகும். இந்த விண்கல துறைமுகங்களை பற்றி யோசித்தது எலன் மஸ்க் மட்டுமல்ல. கடந்த ஆகஸ்டில், சர் ரிச்சர்ட் பிரான்சனும் அவரது விர்ஜின் கேலடிக் நிறுவனமும் நியூ மெக்ஸிகோவை தளமாகக் கொண்ட விண்கல துறைமுகத்தை அறிமுகப்படுத்தின. அதில் இருந்து சுற்றுலாப் பயணிகளை சுற்றுப்பாதையில் செலுத்த முடியும் என அவர்கள் நம்புகிறார்கள். விர்ஜின் கேலடிக் வெளியிட்ட தகவலின் படி, சுமார் 600 பேர் ஏற்கனவே அதன் கேரியர்-விமானம் மூலம் 'ஸ்பேஸ்ஷிப் டூ'வில் விண்வெளிக்குச் செல்ல டிக்கெட்டுகளை முன்பதிவு செய்துள்ளனர். இந்த டிக்கெட்டின் விலை சுமார் 19 லட்சம் மட்டுமே.

மேலும் செய்திகள்

Like Us on Facebook Dinkaran Daily News
  • andra_tirup1thu

    ஆந்திராவில் நிவர் புயல்... திருப்பதியில் கனமழையால் வெள்ளப்பெருக்கு!!

  • stalinnivaranmmmm

    சென்னையில் மழை, புயலால் பாதிக்கப்பட்ட மக்களுக்கு நலத்திட்ட உதவிகளை வழங்கினார் மு.க.ஸ்டாலின்

  • tamil_rainnnn111

    தமிழகம், புதுச்சேரியில் நிவர் புயல் ருத்ரதாண்டவம்... வெள்ளக்காடானது சென்னை புறநகர் பகுதிகள்!!

  • humanbodies23

    2,000 ஆண்டுகளுக்கு முன் எரிமலை வெடிப்பிலிருந்து தப்பிக்க முயன்ற 2 மனித உடல்கள் இத்தாலியில் கண்டுபிடிப்பு!: புகைப்படங்கள்

  • jammu23

    ஜம்மு காஷ்மீரில் நிலவும் கடுங்குளிர்!: தரை, வீடுகளின் கூரைகள், வாகனங்களின் மேற்பகுதி ஆகியவை பனி உறைந்து வெண்ணிறமாக காட்சி..!!

படங்கள் வீடியோ கல்வி சினிமா ஜோ‌திட‌ம்