SUN குழுமத்திலிருந்து வெளிவரும் காலை நாளிதழ்

சிலை கடத்தல் தடுப்பு வழக்குகளில் நீதிமன்ற உத்தரவுகளை மீறினால் டிஜிபிதான் பொறுப்பு: தமிழக அரசுக்கு உயர் நீதிமன்றம் கண்டிப்பு

2019-11-09@ 01:12:33

சென்னை: சிலைக் கடத்தல் வழக்குகளை சென்னை உயர் நீதிமன்ற நீதிபதிகள் ஆர்.மகாதேவன், ஆதிகேசவலு அடங்கிய சிறப்பு அமர்வு விசாரித்து வந்தது. இந்நிலையில், இந்த சிறப்பு அமர்வை ரத்து செய்து தலைமை நீதிபதியாக இருந்த தஹில் ரமானி உத்தரவிட்டார். சிலை கடத்தல் தொடர்பான வழக்குகளில் நீதிமன்ற உத்தரவு மீறப்பட்டால் தொடரப்படும் நீதிமன்ற அவமதிப்பு வழக்குகளையும் இந்த அமர்வு விசாரிக்க முடியாத வகையில் ஒரு நிர்வாக உத்தரவையும் தலைமை நீதிபதி பிறப்பித்தார்.
 இதையடுத்து, சிலை கடத்தல் தடுப்பு வழக்குகள் தொடர்பான நீதிமன்ற அவமதிப்பு வழக்குகள் கடந்த 3 மாதங்களாக விசாரிக்கப்படாமல் தொடர்ந்து தள்ளிவைக்கப்பட்டு வந்தது.   தலைமை நீதிபதி தஹில் ரமானி ராஜினாமா செய்ததையடுத்து, சிலை கடத்தல் தடுப்பு தொடர்பான வழக்குகளை மீண்டும் நீதிபதிகள் மகாதேவன், ஆதிகேசவலு அடங்கிய அமர்வே விசாரிக்கும் என்று பொறுப்பு தலைமை நீதிபதி வினீத் கோத்தாரி உத்தரவிட்டார்.

 இதையடுத்து, சிலை கடத்தல் தடுப்பு பிரிவுக்கான அதிகாரிகள், காவலர்கள் நியமனம், உட்கட்டமைப்பு வசதிகள் தொடர்பான உயர் நீதிமன்ற உத்தரவுகளை தமிழக அரசு அமல்படுத்தவில்லை என்று  தமிழக அரசுக்கு எதிராக சிலைக் கடத்தல் தடுப்புப் பிரிவு சிறப்பு அதிகாரி பொன்.மாணிக்கவேல் தொடர்ந்த நீதிமன்ற அவமதிப்பு வழக்கு மீண்டும் நீதிபதிகள் மகாதேவன், ஆதிகேசவலு ஆகியோர் அடங்கிய அமர்வில் நேற்று விசாரணை வந்தது.  அரசு தரப்பில் அரசு பிளீடர் ஜெயப்பிரகாஷ் நாராயணன் ஆஜராகி, இந்த வழக்கில் அரசுத் தரப்பில் ஆஜராகினர்.  இதையடுத்து நீதிபதிகள், இந்த வழக்கில் இனிமேல் அரசு வக்கீல்கள் வராததால் தள்ளிவைக்க வேண்டும் என்று கோரக்கூடாது. இதுவே இறுதி அவகாசம். இந்த நீதிமன்றம் பொக்கிஷங்களை காப்பாற்ற வேண்டும் என்று செயல்படுகிறதே தவிர எந்த அதிகாரிகளுக்கு எதிராகவும் செயல்படவில்லை. உச்ச நீதிமன்றம் மற்றும் உயர் நீதிமன்ற உத்தரவுகள் மீறப்பட்டால் அதற்கு டிஜிபியே பொறுப்பாவார் என்றனர்.

மேலும் செய்திகள்

Like Us on Facebook Dinkaran Daily News
  • 300kg11

    பிரான்சில் 300 கிலோ எடையுள்ள நபரை, வீட்டினை உடைத்து கிரேன் மூலமாக மீட்ட மீட்புப் படையினர்!!

  • monkey_thaayklannn1

    குரங்குகளுக்கு உணவு வழங்கும் திருவிழா : தாய்லாந்தில் வினோதம்!!

  • eelephanttt11

    35 ஆண்டுகள் சிறை வாழ்க்கை வாழ்ந்த உலகின் தனிமையான காவன் யானைக்கு புதிய வாழ்க்கை : துதிக்கையை கொடுத்து மகிழ்ச்சியை வெளிப்படுத்தியது

  • muskes_ambani11

    27 தளங்கள், 3 ஹெலிகாப்டர் இறங்கு தளம், 168 கார் பார்க்கிங், 9 விரைவு லிப்டுகள்,600 ஊழியர்கள்... உலகின் 2வது பிரமாண்டம் மிகுந்த முகேஷ் அம்பானியின் வீடு!!

  • delhi_farmnmmmeee

    திறந்தவெளியில் சமைத்து, கடும் குளிர் சாலையில் உறங்கியபடி, 7ம் நாளாக தொடர் போராட்டம் :டெல்லியில் மிரளவைக்கும் வைக்கும் விவசாயிகளின் கிளர்ச்சி!!

படங்கள் வீடியோ கல்வி சினிமா ஜோ‌திட‌ம்