SUN குழுமத்திலிருந்து வெளிவரும் காலை நாளிதழ்

ஸ்ரீரங்கம் சார்பதிவாளர் வீட்டில் லஞ்ச ஒழிப்பு போலீஸ் சோதனை

2019-10-30@ 05:18:04

திருச்சி: திருச்சி மாவட்டம், திருவெறும்பூர் சார்பதிவாளர் அலுவலகத்தில் பத்திரபதிவிற்கு லஞ்சம் கேட்பதாக லஞ்ச ஒழிப்பு போலீசாருக்கு கடந்த 24ம் தேதி ரகசிய தகவல் கிடைத்தது. இதையடுத்து திருச்சி மாவட்ட லஞ்ச ஒழிப்பு இன்ஸ்பெக்டர் சக்திவேல் தலைமையில் போலீசார் மாலை 5.30 மணி முதல் இரவு 11 மணி வரை விசாரணை நடத்தினர்.  தொடர்ந்து அன்று நடந்த பத்திர பதிவுகள் எவ்வளவு, அரசு நிர்ணயித்த தொகை எவ்வளவு என ஒப்பிட்டு ஆய்வு நடத்தினர். அப்போது கணக்கில் வராத 1,67,000 பறிமுதல் செய்யப்பட்டது. இதில் சார்பதிவாளர் ஆனந்தராஜனிடம் மட்டும் 1,07,000 பறிமுதல் செய்யப்பட்டது.

அதை தொடர்ந்து இன்ஸ்பெக்டர் சக்திவேல் தலைமையில் போலீசார் நேற்று ஸ்ரீரங்கம் மேலூர் ரோட்டில் உள்ள சார்பதிவாளர் ஆனந்தராஜன் வீட்டில் சோதனை நடத்தினர். அப்போது ஏராளமான சொத்து ஆவணங்கள் பறிமுதல் செய்யப்பட்டது. தொடர்ந்து வங்கி கணக்கை ஆய்வு செய்தனர்.  மேலும் லாக்கரை சோதனை செய்தபோது பணம், நகைகள் இருந்தது. அனைத்தையும் லாக்கரில் வைத்து பூட்டி சாவியை பறிமுதல் செய்தனர். இதையடுத்து ஊழல் தடுப்பு சட்டப் பிரிவு 7 மற்றும் 7 (A) கீழ் வழக்குப்பதிந்தனர். விசாரணைக்கு பின் அவர் கைது செய்யப்படலாம் என போலீசார் தெரிவித்தனர்.

மேலும் செய்திகள்

Like Us on Facebook Dinkaran Daily News
  • alangaa_jaallii

    அலங்காநல்லூர் ஜல்லிக்கட்டு போட்டியை முதல்வர் பழனிசாமி, துணை முதல்வர் ஓ பன்னீர் செல்வம் கொடியசைத்து தொடங்கி வைத்தனர்

  • stalinnnraa

    மாட்டு வண்டியை ஒட்டிய மு.க.ஸ்டாலின்... மக்களுடன் அமர்ந்து உணவு சாப்பிட்ட முதல்வர் பழனிசாமி, ராகுல் காந்தி!!

  • 16-01-2021

    16-01-2021 இன்றைய சிறப்பு படங்கள்

  • 14-01-2021

    14-01-2021 இன்றைய சிறப்பு படங்கள்

  • master13

    9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்

படங்கள் வீடியோ கல்வி சினிமா ஜோ‌திட‌ம்