SUN குழுமத்திலிருந்து வெளிவரும் காலை நாளிதழ்

தொடர் மழையால் மலர்கள் அழுகின தாவரவியல் பூங்காவில் மலர் அலங்காரம் அகற்றம்

2019-10-22@ 15:26:14

ஊட்டி : தொடர் மழை காரணமாக ஊட்டி தாவரவியல் பூங்காவில் வைக்கப்பட்டுள்ள மலர் அலங்காரங்கள் அகற்றும் பணிகள் மேற்கொள்ளப்பட்டு வருகிறது. நீலகிரி மாவட்டத்தில் கடந்த 10 நாட்களுக்கு மேலாக மழை கொட்டி வருகிறது. நாள் தோறும் மழை பெய்வதால் காலநிலையில் மாற்றம் ஏற்பட்டு குளிரும் வாட்டி வருகிறது. இரண்டாம் சீசனை முன்னிட்டு தாவரவியல் பூங்காவில் 2.5 லட்சம் மலர் நாற்றுக்கள் நடவு செய்யப்பட்டுள்ளன. அதேபோல், 15 ஆயிரம் தொட்டிகளில் பல்வேறு வகையான மலர் நாற்றுகள் நடவு செய்யப்பட்டு அதில், மலர்கள் பூத்துக் குலுங்கின.

இந்நிலையில், கடந்த 10 நாட்களாக ஊட்டியில் மழை பெய்து வரும் நிலையில், பூங்கா சேறும் சகதியுமாறியுள்ளது. மேலும், பூங்காவில் வைக்கப்பட்டுள்ள மேரிகோல்டு, டேலியாக ஆகிய மலர்கள் முற்றிலும் அழுகிவிட்டன. இதனால், பூங்காவில் அழுகிய நிலையில் இருந்த மேரிகோல்டு மலர்கள் முற்றிலும் அகற்றப்பட்டுவிட்டன. அதேபோல், டேலியா மலர்களும் அகற்றப்பட்டுவிட்டன. குறிப்பாக, பூங்கா நுழைவு வாயில் பகுதியில் வைக்கப்பட்டிருந்த மேரிகோல்டு மலர்கள் அகற்றப்பட்டு அங்கு, அலங்கார செடிகளை கொண்டு, புதிய வடிவில் அலங்காரம் செய்யப்பட்டுள்ளது.

மேலும், நட்சத்திர வடிவில் அமைக்கப்பட்டிருந்த மலர் அலங்காரத்தில் இருந்த மேரிகோல்டு மலர் செடிகள் அகற்றப்பட்டு அங்கும் அலங்கார செடிகள் கொண்ட தொட்டிகளை கொண்டு அலங்காரம் செய்யப்பட்டு வருகிறது. பெர்னஸ் புல் மைதானம் சேறும் சகதியுமாக மாறிய நிலையில், அங்கு 5 ஆயிரம் தொட்டிகளை கொண்டு அமைக்கப்பட்டிருந்த மலர் அலங்காரங்கள் தற்போது அகற்றப்பட்டு வருகிறது. தொடர்ந்து மழை பெய்து வரும் நிலையில், மாடங்களில் வைக்கப்பட்டுள்ள 10 ஆயிரம் தொட்டிகளில் உள்ள மலர் செடிகளும் அழுகி வருகின்றன.

 இதில், பாதிக்கப்பட்ட மலர் தொட்டிகள் அகற்றப்பட்டு வருகிறது. தொடர்ந்து மழை பெய்தால், அனைத்து மலர் செடிகளும் அழுகி முன்னதாகவே அனைத்து மலர் அலங்காரங்களும் அகற்ற வேண்டிய நிலை ஏற்படும். இதனால், தோட்டக்கலைத்துறையினர் அதிருப்தியடைந்துள்ளனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்