SUN குழுமத்திலிருந்து வெளிவரும் காலை நாளிதழ்

வடகிழக்கு மழையை எதிர்கொள்ளுமா சென்னை மெட்ரோ ரயில் நிர்வாகம்?

2019-10-20@ 00:47:48

* ஸ்டேஷன்களில் மழைநீர் கசிவு அதிகரிப்பு
* நடவடிக்கை எடுக்க பயணிகள் கோரிக்கை

சென்னை: சென்னையில் பெய்து வரும் தொடர் மழை காரணமாக மெட்ரோ ரயில் நிலையங்களுக்குள் மழைநீர் கசிவு ஏற்பட்டு வருகிறது. சென்னையில் 32 மெட்ரோ ரயில் நிலையங்கள் உள்ளன. வண்ணாரப்பேட்டை வரை முதல் திட்டம் முடிந்ததையடுத்து நாள்தோறும் 1 லட்சம் பேர் வரையில் மெட்ரோ ரயில் சேவையை பயன்படுத்தி வருகின்றனர். கடந்த ஜூன் மாதம் தென்மேற்கு பருவமழை தொடங்கியது. அப்போது மெட்ரோ ரயில் நிலையங்களுக்குள் ஏற்பட்ட மழைநீர் கசிவால் பயணிகள் பெரும் அவதி அடைந்தனர். இந்தநிலையில், தமிழகத்தில் வடகிழக்கு பருவமழை கடந்த 17ம் தேதி தொடங்கியது.

இப்போதும் பல மெட்ரோ ரயில் நிலையங்களில் வழக்கம் போல் மழைநீர் கசிவு ஏற்பட தொடங்கிவிட்டது. சுரங்கப்பாதை மெட்ரோ ரயில் நிலையங்களில் மழைநீர் கசிவை சரிசெய்ய எந்தவித நடவடிக்கையும் எடுக்கப்படாததால் சுவர்கள் பாழாகி வருகின்றன. மெட்ரோ ரயில் நிலையங்கள் குளம் போல் காட்சியளிக்கிறது. இதனால் பெரும் அவதியடைந்து வருவதாக பயணிகள் குற்றம்சாட்டியுள்ளனர். சென்ட்ரல், அண்ணாநகர், பச்சையப்பன் கல்லூரி, வடபழனி உள்ளிட்ட ரயில் நிலையங்களில் மழைநீர் கசிவு அதிகமாக உள்ளது.

சென்ட்ரல் மெட்ரோ ரயில் நிலையத்தில் மின் உபகரணங்கள் இருக்கும் அறைகளுக்குள் மழைநீர் கசிவு ஏற்பட்டுள்ளதால் மின்விபத்து ஏற்பட வாய்ப்புள்ளது. பல நிலையங்களில் மழைநீர் உள்ளே வருவதை தடுக்க பக்கெட்டுகள் மட்டுமே பயன்படுத்தப்படுகின்றது. இன்னும் 5 நாட்கள் கனமழை தொடரும் என வானிலை ஆய்வு மையம் தெரிவித்துள்ள நிலையில் பயணிகளின் பாதுகாப்பு கருதி மெட்ரோ ரயில் நிலையங்களில் மழைநீர் கசிவை சரிசெய்ய நிர்வாகம் விழித்துக்கொள்ள வேண்டும் என பயணிகள் வலியுறுத்தியுள்ளனர்.

மேலும் செய்திகள்

Like Us on Facebook Dinkaran Daily News
  • 300kg11

    பிரான்சில் 300 கிலோ எடையுள்ள நபரை, வீட்டினை உடைத்து கிரேன் மூலமாக மீட்ட மீட்புப் படையினர்!!

  • monkey_thaayklannn1

    குரங்குகளுக்கு உணவு வழங்கும் திருவிழா : தாய்லாந்தில் வினோதம்!!

  • eelephanttt11

    35 ஆண்டுகள் சிறை வாழ்க்கை வாழ்ந்த உலகின் தனிமையான காவன் யானைக்கு புதிய வாழ்க்கை : துதிக்கையை கொடுத்து மகிழ்ச்சியை வெளிப்படுத்தியது

  • muskes_ambani11

    27 தளங்கள், 3 ஹெலிகாப்டர் இறங்கு தளம், 168 கார் பார்க்கிங், 9 விரைவு லிப்டுகள்,600 ஊழியர்கள்... உலகின் 2வது பிரமாண்டம் மிகுந்த முகேஷ் அம்பானியின் வீடு!!

  • delhi_farmnmmmeee

    திறந்தவெளியில் சமைத்து, கடும் குளிர் சாலையில் உறங்கியபடி, 7ம் நாளாக தொடர் போராட்டம் :டெல்லியில் மிரளவைக்கும் வைக்கும் விவசாயிகளின் கிளர்ச்சி!!

படங்கள் வீடியோ கல்வி சினிமா ஜோ‌திட‌ம்