SUN குழுமத்திலிருந்து வெளிவரும் காலை நாளிதழ்

தமிழகத்தில் 33 பேர் உள்பட நாடு முழுவதும் ஐஎஸ் ஆதரவாளர்கள் 127 பேர் கைது செய்யப்பட்டது எப்படி? : தேசிய புலனாய்வு அமைப்பு பகீர் தகவல்

2019-10-17@ 00:16:58

புதுடெல்லி: தமிழகத்தில் அதிகபட்சமாக 33 பேர் உள்பட நாடு முழுவதும் ஐஎஸ் தீவிரவாத அமைப்பின் ஆதரவாளர்கள் 127 பேர் கைது செய்யப்பட்டது எப்படி என தேசிய புலனாய்வு அமைப்பு பகீர் தகவல் வெளியிட்டுள்ளது. உலக அளவில் செயல்படும் தீவிரவாத குழு ஐஎஸ். இந்த அமைப்புடன் தொடர்புடைய 127 பேர் இந்தியாவில் கைது செய்யப்பட்டுள்ளனர். இந்த அமைப்புடன் தொடர்புடையதாக கைது செய்யப்பட்டவர்களில் அதிகம் பேர் தமிழகத்தை சேர்ந்தவர்கள். இங்கு மட்டும் 33 ஐஎஸ் ஆதரவாளர்கள் கைது செய்யப்பட்டுள்ளனர். இதுதவிர, உத்தர பிரதேசத்தில் 19 பேர், கேரளாவில் 17 பேர், தெலங்கானாவில் 14 பேர், மகாராஷ்டிராவில் 12 பேர், கர்நாடகாவில் 8 பேர், டெல்லியில் 7 பேர், மேற்குவங்கம், உத்தரகாண்டில் தலா 4 ேபர், காஷ்மீரில் 3 பேர், ராஜஸ்தான், குஜராத்தில் தலா இருவர் கைது செய்யப்பட்டுள்ளனர். இதுதவிர பீகார், மத்திய பிரதேசத்தில் தலா ஒருவர் கைது செய்யப்பட்டுள்ளனர். மொத்தம் 14 மாநிலங்களில் ஐஎஸ் ஆதரவாளர்கள் 127 பேர் கைது செய்யப்பட்டுள்ளனர்.

இலங்கையின் ஈஸ்டர் குண்டு வெடிப்பில் தொடர்புடைய சஹ்ரான் ஹாஷிமின் வீடியோக்களால் தீவிரவாதிகளாக மாறியதாக கைது செய்யப்பட்ட நபர்கள் ஒப்புக்கொண்டுள்ளனர். ஈஸ்டர் தற்கொலை படை தாக்குதல் சம்பவத்தில் 12 இந்தியர்கள் உள்பட 250க்கும் மேற்பட்டோர் கொல்லப்பட்டனர். இந்த சம்பவத்திற்கு பின்பே தமிழகம், கேரளாவில் ஐஎஸ் ஆதரவாளர்கள் சிலர் கைது செய்யப்பட்டனர். ஐஎஸ் அமைப்பில் இணைந்தவர்கள் மலேசியாவில் இருக்கும் இஸ்லாமிய பிரசாரகர் ஜாகீர் நாயக் ஆற்றிய உரைகளால் ஈர்க்கப்பட்டு தீவிரவாதிகளாக மாறியதாக கூறப்படுகிறது.
ஜமாஅத் உல் முஜாஹிதீன் பங்களாதேஷ் (ஜேஎம்பி) தனது கூடாரங்களை இந்தியா முழுவதும் பரப்ப முயன்றதுடன், 125 சந்தேக நபர்களின் பட்டியலை வெவ்வேறு மாநிலங்களுடன் பகிர்ந்து கொண்டதாக தேசிய புலனாய்வு அமைப்பு தெரிவித்துள்ளது.

முன்னதாக டெல்லியில் கடந்த சில நாட்களுக்கு முன் நடைபெற்ற தீவிரவாத தடுப்பு படையின் (ஏடிஎஸ்) தலைவர்கள் கூட்டத்தில் இந்த விவரங்கள் வெளியிடப்பட்டு விவாதிக்கப்பட்டன. மேலும் வங்கதேச குடியேறிகள் என்ற பெயரில் ஜார்கண்ட், பீகார், மகாராஷ்டிரா, கர்நாடகா, மற்றும் கேரளா போன்ற மாநிலங்களில் ஜேஎம்பி தனது நடவடிக்கைகளை பரப்பியுள்ளதாக கூறப்பட்டதால் அந்த மாநிலங்களில் உள்ள வங்கதேசத்தை சேர்ந்தவர்களை என்ஐஏ கண்காணித்து வருகிறது. மேலும் இந்த அமைப்பு கடந்த 2014 முதல் 2018 வரை பெங்களூருவில் 20 முதல் 22 மறைவிடங்கள் அமைத்து ஐஎஸ் தனது தளங்களை தென்னிந்தியாவில் பரப்பி வந்தது. தற்போது அது முறியடிக்கப்பட்டுள்ளதாக கூறப்படுகிறது.
மேலும் தமிழக, கர்நாடக எல்லையில் உள்ள கிருஷ்ணகிரி மலைகளில் ராக்கெட் ஏவுகணை சோதனைகளை ஜேஎம்பி நடத்தியதாகவும் என்ஐஏ அதிகாரிகள் வட்டாரங்கள் தெரிவிக்கின்றன.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்