SUN குழுமத்திலிருந்து வெளிவரும் காலை நாளிதழ்

திருவட்டார் பெருமாள் கோயிலில் 12 கிலோ நகை கொள்ளையில் கைதான 23 பேருக்கு தண்டனை: 30 ஆண்டுக்கு பிறகு தீர்ப்பு; உடனடி ஜாமீன்

2019-09-20@ 00:16:43

நாகர்கோவில்: திருவட்டார் ஆதிகேசவ பெருமாள் கோயிலில் நடந்த 12 கிலோ நகை கொள்ளை  வழக்கில் கைதான 23 பேருக்கு சிறை தண்டனை அளித்து 30 ஆண்டுக்கு பிறகு நாகர்கோவில் கோர்ட் நேற்று தீர்ப்பளித்தது. உடனடியாக  அவர்கள் ஜாமீனில் விடப்பட்டனர். குமரி மாவட்டம் திருவட்டார் ஆதிகேசவ பெருமாள் கோயில்  108 வைணவ திருத்தலங்களில் ஒன்றாக விளங்குகிறது. இங்குள்ள பெருமாளின் சிலை கடுகு சர்க்கரையோகம் மற்றும் 16 ஆயிரத்து 8 சாலக்கிராமத்தால் செய்யப்பட்டது. இதனால்  அபிஷேகம் நடைபெறுவது இல்லை. இந்த மூலவரின் மீது பொருத்தப்பட்டிருந்த தங்கத்தகடுகள் 12 கிலோ கொள்ளை போயிருந்தது. 1974 முதல் 1984 வரையான காலகட்டத்தில் இந்த கொள்ளை நடைபெற்றிருந்தது. இதுதொடர்பாக திருவட்டார்  போலீசார் 34 பேர் மீது 1989ல் வழக்குபதிவு செய்திருந்தனர். பின்னர், 16.6.1992ம் ஆண்டு சிபிசிஐடிக்கு வழக்கு மாற்றப்பட்டது.

இதன் அடிப்படையில் சிபிசிஐடி போலீசார் விசாரணை நடத்தி கோயில் ஊழியர்கள், அறநிலையத்துறை ஊழியர்கள் உட்பட 34 பேர் மீது வழக்கு பதிவு செய்தனர். நாகர்கோவில் கோர்ட்டில் வழக்கு விசாரணை நடந்து வந்தது. இதற்கிடையில் 11  பேர் இறந்துவிட்டனர். இதர 23 பேர் மீதான விசாரணை முடிந்து நேற்று தீர்ப்பு வழங்கப்பட்டது. இதில் அனைவரும் குற்றவாளிகள் என நீதிபதி கிறிஸ்டின் அறிவித்தார். தொடர்ந்து அவர்களுக்கான தண்டனை விபரங்கள், தனித்தனியே அறிவிக்கப்பட்டது. இதில் 14  பேருக்கு தலா 6 வருடம் சிறை தண்டனையும், 9 பேருக்கு மூன்றாண்டு ஜெயில் தண்டனையும் விதிக்கப்பட்டது. இதில் ஒருவர் தவிர 22 பேரும் நீதிமன்றத்தில் ஆஜராகி இருந்தனர். பின்னர் அனைவரும் ஜாமீனில் விடுவிக்கப்பட்டனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்