SUN குழுமத்திலிருந்து வெளிவரும் காலை நாளிதழ்

பீகாரில் மீண்டும் கனமழை, இடி மின்னல் தாக்கியதில் 12 பேர் பலி: மாநில பேரிடர் மேலாண்மை ஆணையம் அறிவிப்பு

2019-09-18@ 14:00:47

பாட்னா: பீகாரில் பல்வேறு இடங்களில் நேற்றிரவு இடி மின்னல் தாக்கியதில் 12 பேர் உயிரிழந்துள்ளதாக மாநில பேரிடர் மேலாண்மை ஆணையம் தெரிவித்துள்ளது. கடந்தமாதம் பீகாரில் இடைவிடாத மழை காரணமாக லட்சக்கணக்கான மக்கள் இடம்பெயர்ந்துள்ளனர். வெள்ளநிவாரணப் பணிகள் இன்னும் நிறைவடையாத நிலையில் அங்கு மீண்டும் கனமழை பெய்யத் தொடங்கியுள்ளது. நேபாளத்தில் மழைப்பொழிவு அதிகரித்துவருவதால் கிழக்கு உத்தரப்பிரதேசம் மற்றும் பீகார் நதிகளில் நீர்மட்டம் உயரக்கூடும் என்று இந்திய வானிலை ஆய்வு மையம் நேற்றுமுன்தினம் தெரிவித்தது.

தற்போது  பீகாரிலும் மின்னலுடன் கடும் மழை பெய்துவருகிறது. இதுகுறித்து மாவட்ட ஆட்சியர் ரவிக்குமார் கூறுகையில், பீகாரில் பல்வேறு இடங்களில் நேற்றிரவு இடி மின்னல் தாக்கியதில் 12 பேர் உயிரிழந்துள்ளதாக மாநில பேரிடர் மேலாண்மை ஆணையம் தெரிவித்துள்ளது. மாநிலத்தின் பேரழிவு கட்டுப்பாட்டு அறையின் தகவலின்படி இந்த எண்ணிக்கை மேலும் அதிகரிக்கக்கூடும். இந்த சம்பவங்களால் பலர் காயமடைந்துள்ளதாகவும் தெரிவிக்கப்பட்டுள்ளது.

நேற்றிரவு பாட்னாவில் பத்திரிகை சேமிப்பிற்கான காவல்நிலையக் கட்டிடம் ஒன்றின் மீதும் அருகிலுள்ள கூடாரத்தின் மீதும் மரம் விழுந்ததில் பத்து காவல்துறை ஊழியர்கள் காயமடைந்துள்ளனர். நேற்றிரவு பெய்த கனமழையால் பாட்னாவின் பல பகுதிகளில் வெள்ள நீர் தேங்கியுள்ளதாக தெரிவிக்கப்பட்டுள்ளது. நேபாளத்தில் பெய்துவரும் கடும் மழையினால் கடந்த இரண்டு மூன்று நாட்களில் கங்கா நதியின் நீர்மட்டம் அதிகரித்துள்ளது. ஆனால் நிலைமை கட்டுப்பாட்டில் உள்ளது என்று மாவட்ட ஆட்சியர் ரவிக்குமார் தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • ezhumalaiyaan21

    திருப்பதி ஏழுமலையான் கோயில் பிரம்மோற்சவத்தின் இரண்டாம் நாள்!: அன்ன வாகனத்தில் மலையப்ப சுவாமி வீதியுலா..பக்தர்கள் பரவசம்..!!

  • school21

    ஜம்மு - காஷ்மீர், ம.பி., அசாம் உள்ளிட்ட மாநிலங்களில் 6 மாதங்களுக்கு பிறகு பள்ளிகள் மீண்டும் திறப்பு!: ஆர்வமுடன் கல்வி பயிலும் மாணவர்கள்..!!

  • rashya21

    ரஷ்யாவில் 6 நாடுகளை சேர்ந்த 80,000க்கும் மேற்பட்ட ராணுவ வீரர்கள் கூட்டு பயிற்சி: புகைப்படங்கள்

  • maha21

    மஹாராஷ்டிரா மாநிலம் தானே அருகே 3 மாடி கட்டடம் இடிந்து விபத்து: இடிபாடுகளில் சிக்கிய 8 பேர் உடல் நசுங்கி உயிரிழப்பு..!!

  • 21-09-2020

    21-09-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்