SUN குழுமத்திலிருந்து வெளிவரும் காலை நாளிதழ்

வறண்டு கிடக்கும் அமராவதி ஆறு: தண்ணீர் திறக்க கோரிக்கை

2019-09-16@ 12:01:07

உடுமலை: உடுமலை அருகே உள்ள அமராவதி அணை மூலம் திருப்பூர், கரூர் மாவட்டங்களில் சுமார் 54 ஆயிரம் ஏக்கர் நிலம் பாசன வசதி பெறுகிறது. நூற்றுக்கணக்கான கிராமங்கள் குடிநீர் வசதி பெறுகின்றன. இந்த ஆண்டு பருவமழை போதிய அளவு பெய்யாததால் அணை நிரம்பவில்லை. 90 அடி உயரம் கொண்ட அணையில், 70 அடியை தாண்டிய நிலையில் நீர்வரத்து குறைந்து விட்டது.சில வாரங்களுக்கு முன், கரூர், தாராபுரம் பகுதி குடிநீர் தேவைக்காக ஆற்றில் தண்ணீர் திறந்துவிடப்பட்டது.

கடந்த மாத இறுதியில் அணையின் நீர்பிடிப்பு பகுதிகளில் பெய்த தொடர் மழை காரணமாக அணையின் நீர்மட்டம் கிடுகிடுவென உயர துவங்கியது. தற்போது அணையின் நீர்மட்டம் 84அடியாக (நேற்றைய நிலவரப்படி) உள்ளது. அணைக்கு 341 கன அடி நீர் வரத்து உள்ளது. அணையில் இருந்து தண்ணீர் எதுவும் வெளியேற்றப்படவில்லை. அணை தனது முழு கொள்ளளவை எட்டுவதற்கு இன்னும் 6 அடியே உள்ளது. இதன் காரணமாக பாசனத்துக்கு தண்ணீர் திறக்கப்படும் என எதிர்பார்த்த விவசாயிகள் ஏமாற்றம் அடைந்தனர். இதனால் அமராவதி ஆறு வறண்டு கிடக்கிறது.

குறிப்பாக மடத்துக்குளம் பகுதியில் வெறும் பாறைகளாக காட்சி அளிக்கிறது. உறிஞ்சுகுழிகளில் மட்டும் சிறிதளவு தண்ணீர் தேங்கி உள்ளது. சாமிநாதபுரம் சுற்றுவட்டார பகுதி மக்கள் அமராவதி ஆற்றில்தான் குளிக்க, துணி துவைக்க வருவார்கள். இப்போது வறண்டு கிடப்பதால் ஏமாற்றம் அடைந்துள்ளனர். எனவே, அமராவதி ஆற்றில் தண்ணீர் திறந்து விட வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 300kg11

    பிரான்சில் 300 கிலோ எடையுள்ள நபரை, வீட்டினை உடைத்து கிரேன் மூலமாக மீட்ட மீட்புப் படையினர்!!

  • monkey_thaayklannn1

    குரங்குகளுக்கு உணவு வழங்கும் திருவிழா : தாய்லாந்தில் வினோதம்!!

  • eelephanttt11

    35 ஆண்டுகள் சிறை வாழ்க்கை வாழ்ந்த உலகின் தனிமையான காவன் யானைக்கு புதிய வாழ்க்கை : துதிக்கையை கொடுத்து மகிழ்ச்சியை வெளிப்படுத்தியது

  • muskes_ambani11

    27 தளங்கள், 3 ஹெலிகாப்டர் இறங்கு தளம், 168 கார் பார்க்கிங், 9 விரைவு லிப்டுகள்,600 ஊழியர்கள்... உலகின் 2வது பிரமாண்டம் மிகுந்த முகேஷ் அம்பானியின் வீடு!!

  • delhi_farmnmmmeee

    திறந்தவெளியில் சமைத்து, கடும் குளிர் சாலையில் உறங்கியபடி, 7ம் நாளாக தொடர் போராட்டம் :டெல்லியில் மிரளவைக்கும் வைக்கும் விவசாயிகளின் கிளர்ச்சி!!

படங்கள் வீடியோ கல்வி சினிமா ஜோ‌திட‌ம்