SUN குழுமத்திலிருந்து வெளிவரும் காலை நாளிதழ்

ஆந்திராவுக்கு கடத்த முயன்ற 1 கோடி மதிப்புள்ள கடல் மண்புழு பறிமுதல்: டிரைவர் உள்பட 2 பேருக்கு வலை

2019-09-16@ 06:37:27

சென்னை: சென்னையில் இருந்து ஆந்திராவுக்கு காரில் கடத்த முயன்ற ரூ.1 கோடி மதிப்புள்ள  கடல் மண்புழுக்களை போலீசார் பறிமுதல் செய்தனர். டிரைவர் உள்பட 2 பேரை போலீசார் தேடி வருகின்றனர். கும்மிடிப்பூண்டி அடுத்த தச்சூர் கூட்டுரோடு வழியாக ஆந்திராவுக்கு காரில் கடல் மண்புழு கடத்தப்படுவதாக நேற்று முன்தினம் இரவு கவரப்பேட்டை போலீசாருக்கு ரகசிய தகவல் கிடைத்தது. இதையடுத்து நள்ளிரவு 2 மணியளவில் தனிப்படையினர் தச்சூர்கூட்டு சாலை சந்திப்பில் தீவிர வாகன சோதனையில் ஈடுபட்டனர். அப்போது, சென்னை - கொல்கத்தா தேசிய நெடுஞ்சாலையில் ஆந்திரா நோக்கி வேகமாக வந்த காரை போலீசார் மடக்கினர். உடனே காரை நிறுத்திவிட்டு டிரைவர் உள்பட 2 பேர் வயல்வெளியில் இறங்கி தப்பி ஓடினர். பின்னர் அந்த காரை காவல் நிலையம் கொண்டு வந்து சோதனை செய்தனர்.

அந்த காருக்குள் 23 கைப்பைகளில் கடல் மண்புழுக்கள் இருந்தது. இதன் மதிப்பு சுமார் 1 கோடி என கூறப்படுகிறது. மேலும், சென்னை எண்ணூரில் இருந்து ஆந்திராவுக்கு காரில் கடல் மண்புழுக்கள் கடத்தி செல்ல முயன்றதும் தெரியவந்தது.

காருடன் பறிமுதல் செய்யப்பட்ட கடல் மண்புழுக்களை மாதர்பாக்கம் பகுதியில் உள்ள வனத்துறை ரேஞ்சர் மாணிக்கவாசகத்திடம் போலீசார் ஒப்படைத்தனர். இதுகுறித்து வனத்துறை அதிகாரிகள் வழக்குப்பதிவு செய்து, கடல் மண்புழுக்களை கடத்தி சென்ற மர்ம கும்பல் குறித்து தீவிரமாக விசாரிக்கின்றனர்.



மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்