SUN குழுமத்திலிருந்து வெளிவரும் காலை நாளிதழ்

51 நாள் பரோல் முடிந்தது மகள் திருமணம் நடக்கும் முன்பே நளினி மீண்டும் சிறையிலடைப்பு

2019-09-16@ 01:35:07

வேலூர்: மகள் திருமண ஏற்பாடுகளை கவனிப்பதற்காக பரோலில் வந்த நளினி, திருமணம் நடப்பதற்கு முன்பே மீண்டும் சிறையில் அடைக்கப்பட்டார். ராஜிவ்காந்தி கொலை வழக்கில் கைதான முருகன் வேலூர் மத்திய சிறையிலும், அவரது மனைவி நளினி பெண்கள் தனிச்சிறையிலும் அடைக்கப்பட்டுள்ளனர். மகள் ஹரித்ராவின் திருமண ஏற்பாடுகளுக்காக உயர்நீதிமன்ற அனுமதியுடன் ஜூலை 25ம் தேதி 1 மாத பரோலில் வந்த நளினி சத்துவாச்சாரியில் உள்ள ஒரு வீட்டில் தங்கினார். பின்னர் அவருக்கு மேலும் 3 வாரம் பரோலை நீட்டித்து ஐகோர்ட் உத்தரவிட்டது. அதன்படி 51 நாள் பரோல் காலம் நேற்றுடன் முடிந்தது. அதைத்தொடர்ந்து, நேற்று மாலை 4 மணியளவில் நளினியை போலீசார் பலத்த போலீஸ் பாதுகாப்புடன் வேனில் மீண்டும் சிறைக்கு அழைத்துச்சென்றனர்.

மகள் திருமண ஏற்பாடுகளுக்காக சிறையில் இருந்து பரோலில் வந்த நளினி 51 நாட்கள் வெளியே தங்கியிருந்தார். ஆனால் மிகவும் எதிர்பார்த்து வந்த மகளின் திருமணம் நடைபெறாத சோகத்துடன் அவர் மீண்டும் சிறைக்கு சென்றார். முன்னதாக தான் தங்கியிருந்த வீட்டில் இருந்து நளினியின் உடமைகளான பக்கெட், பாத்திரங்கள், படுக்கை விரிப்பு, துணிமணிகள் வைக்கப்பட்டிருந்த பை ஆகியவற்றை அந்த வீட்டின் வேலைக்கார பெண் எடுத்து சென்று போலீஸ் வேனில் வைத்தார். தொடர்ந்து சோகமாக வீட்டில் இருந்து வெளியே வந்த நளினி கண்களில் நீர்ததும்ப போலீஸ் வேனில் அமர்ந்தார். பின்னர், வேலூர் பெண்கள் தனிச்சிறை மருத்துவக் குழுவினர் நளினியின் உடல்நிலையை பரிசோதனை செய்தனர். அதையடுத்து சிறைக்காவலர்கள் நளினியை மீண்டும் சிறையில் அடைத்தனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்