SUN குழுமத்திலிருந்து வெளிவரும் காலை நாளிதழ்

வில்லிவாக்கத்தில் நடந்த டிரைவர் கொலையில் 5 பேர் கைது

2019-09-12@ 00:38:26

அண்ணாநகர்: வில்லிவாக்கம், பாட்டையா தெருவில் வசித்து வந்தவர் புதியவன் (51). தென்னக ரயில்வே யூனியன் பொதுச்செயலாளர். இவரிடம், வில்லிவாக்கம் பலராமபுரம், அறிஞர் அண்ணா தெருவை சேர்ந்த பாஸ்கர் (42) என்பவர்  கார் டிரைவராக பணியாற்றி வந்தார். கடந்த 2018ம் ஆண்டு பாஸ்கர் தனது தம்பிக்கு ரயில்வேயில் வேலை வாங்கி தரும்படி புதியவனிடம் 5 லட்சம் கொடுத்துள்ளார். புதியவன் வேலையும் வாங்கித்தரவில்லை. பணத்தையும் திருப்பித்தரவில்லை. இதனால் ஆத்திரம் அடைந்த  பாஸ்கரன் கடந்த ஆண்டு பிப்ரவரி 9ம் தேதி புதியவனை கொலை செய்தார். ஐசிஎப் போலீசார் வழக்குப்பதிவு செய்து பாஸ்கரனை கைது செய்து சிறையில் அடைத்தனர்.

கடந்த 10 மாதங்களுக்கு முன்பு ஜாமீனில் வந்த பாஸ்கரன் கால்டாக்சி ஓட்டி வந்தார். அப்போது புதியவனின் அக்கா மகன் சுபாஷ் மற்றும் அவரது கூட்டாளி சுகன் ஆகியோரிடம், ‘‘எனது பணத்தை தராவிட்டால் உன்னையும், உனது  அக்காவையும் கொலை செய்து விடுவேன்’’ என்று மிரட்டியதாக தெரிகிறது. இந்நிலையில் நேற்று முன்தினம் நள்ளிரவு வேலை முடிந்த வந்த பாஸ்கரனை மர்ம கும்பல் சரமாரியாக வெட்டி கொலை செய்தது. போலீசார் வழக்கு பதிந்து கண்காணிப்பு கேமராவை ஆய்வு செய்து விசாரித்தபோது புதியவனின் அக்கா  மகன்களான சூரப்பேட்டையை சேர்ந்த சுபாஷ், அவரது கூட்டாளி சுகன் ஆகியோர் கொலை செய்தது தெரிந்தது.  இதையடுத்து, சூரப்பேட்டை தனியார் பள்ளி அருகே பதுங்கி இருந்த சுபாஷ், சுகன், கேசவமூர்த்தி, செபாஸ்டின் மற்றும் ஜெயாஸ் ஆகிய 5 பேரை தனிப்படை போலீசார் கைது செய்தனர். தலைமறைவான சங்கர் என்பவரை தேடி வருகின்றனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்