டெல்லி: தமிழகத்திற்கான ரூ.4,077 கோடி மானியத்தை விடுவிக்குமாறு மத்திய நிதி அமைச்சர் நிர்மலா சீதாராமனை உள்ளாட்சி துறை அமைச்சர் எஸ்.பி.வேலுமணி கேட்டுக்கொண்டுள்ளார். டெல்லியில் இன்று நடைபெற்ற சந்திப்பின் போது நகர்ப்புற மற்றும் ஊரக உள்ளாட்சி அமைப்புகளுக்கு 14-வது மத்திய நிதி ஆணையத்தின் தமிழ்நாட்டிற்கான 1196 கோடியே 27 லட்சம் ரூபாய் மானியத்தை விடுவிக்குமாறு கூறினார்.

3 ஆயிரத்து 781 லட்சம் ரூபாய் அடிப்படை மானியத்தையும் விடுவிக்குமாறு எஸ்.பி.வேலுமணி கேட்டுக்கொண்டார். மும்பை, பெங்களூரு இண்டஸ்டிரியல் கரிடாரை கோவை வரை விரிவுபடுத்த கோரியும் நிர்மலா சீதாராமனிடம் வேலுமணி மனு அளித்துள்ளார். இதேபோல கோவை, டெல்லி இடையே தினசரி விமான சேவையை தொடங்க நடவடிக்கை எடுக்க வேண்டும் என்றும் கோரிக்கை விடுத்துள்ளார்.