SUN குழுமத்திலிருந்து வெளிவரும் காலை நாளிதழ்

முன்னாள் எம்.எல்.சி.ஏ.ஆர்.தாமோதரன் மறைவு

2019-08-26@ 04:16:13

சென்னை: சட்டமேலவை  முன்னாள் உறுப்பினரும், தமிழ்நாடு பெட்ரோலிய விற்பனையாளர்கள் சங்கத்தின் நிறுவனருமான ஏ.ஆர்.தாமோதரன் நேற்று காலமானார்.அண்ணா மற்றும் எம்.ஜி.ஆர் ஆட்சிக்காலத்தில் சட்டமேலவை உறுப்பினராக இருந்தவர் ஏ.ஆர்.தாமோதரன் முதலியார்(91). இவர் தமிழ்நாடு பெட்ரோலிய விற்பனையாளர்கள் சங்கத்தின் நிறுவனராகவும், அகில இந்திய பெட்ரோலிய  விற்பனையாளர்கள் சங்கத்தின் முன்னாள் தலைவராகவும் பணியாற்றியவர். இவர் நேற்று காலை சென்னையில் உள்ள அவரது இல்லத்தில் காலமானார். அவரின் இறுதிச் சடங்கு நாளை காலை 10 மணி அளவில் சென்னை கீழ்ப்பாக்கம்  கார்டன் சாலையின் முதல் தெருவில் அமைந்துள்ள அவரது இல்லத்தில் நடைபெறும்.

இது தொடர்பாக தமிழ்நாடு பெட்ரோலிய வணிகர்கள் சங்க தலைவர் கே.பி.முரளி வெளியிட்ட அறிக்கை:பெட்ரோலிய வணிகத்தின் அறிவுக் களஞ்சியமாக திகழ்ந்த முன்னாள் தலைவர் ஏ.ஆர்.தாமோதரன் முதலியாரின் இழப்பை பெட்ரோலிய வணிகத்தில் ஈடுபட்டுள்ள அனைவரின் குடும்பத்தில் ஏற்பட்டுள்ள இழப்பாக கருதுகிறோம். அன்னாரின்  பிரிவால்  துயரத்தில் ஆழ்ந்துள்ள அவரது குடும்பத்தாருக்கும் தமிழ்நாடு பெட்ரோலிய விற்பனையாளர்களின் சார்பாக எங்களின் ஆழ்ந்த இரங்கலையும் வருத்தத்தையும் தெரிவித்துக் கொள்கின்றோம். அவரின் மறைவையொட்டி 27ம் தேதி  திருச்சியில் நடைபெற இருந்த மாநில சிறப்பு செயற்குழு கூட்டம் ரத்து செய்யப்படுகிறது. கூட்டத்தின் மறு தேதி பின்னர் அறிவிக்கப்படும்.இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்