SUN குழுமத்திலிருந்து வெளிவரும் காலை நாளிதழ்

டிராவை நோக்கி கொழும்பு டெஸ்ட் நியூசிலாந்து முன்னிலை

2019-08-26@ 00:23:31

கொழும்பு: இலங்கை அணியுடனான 2வது மற்றும் கடைசி டெஸ்ட் போட்டியில், நியூசிலாந்து அணி முதல் இன்னிங்சில் வலுவான முன்னிலை பெற்றுள்ளது. பி.சரவணமுத்து ஓவல் மைதானத்தில் நடந்து வரும் இப்போட்டியில், டாசில் வென்று பேட் செய்த இலங்கை அணி முதல் இன்னிங்சில் 244 ரன் குவித்து ஆல் அவுட்டானது ( 90.2 ஓவர்). தனஞ்ஜெயா டிசில்வா 109, கேப்டன் கருணரத்னே 65, குசால் மெண்டிஸ் 32 ரன் எடுத்தனர். நியூசி. பந்துவீச்சில் சவுத்தீ 4, போல்ட் 3, கிராண்ட்ஹோம், சாமர்வில்லி, அஜாஸ் பட்டேல் தலா 1 விக்கெட் வீழ்த்தினர்.அடுத்து களமிறங்கிய நியூசிலாந்து, 3ம் நாள் முடிவில் 4 விக்கெட் இழப்புக்கு 196 ரன் எடுத்திருந்தது. டாம் லாதம் 111 ரன், வாட்லிங் 25 ரன்னுடன் நேற்று ஆட்டத்தை தொடர்ந்தனர். இந்த போட்டியின் முதல் 2 நாள் ஆட்டமும் மழை காரணமாக பாதிக்கப்பட்ட நிலையில் நேற்றைய ஆட்டமும் அவ்வப்போது மழையால் தடைபட்டது.  

டாம் லாதம் 154 ரன் (251 பந்து, 15 பவுண்டரி) விளாசி தில்ருவன் பெரேரா பந்துவீச்சில் எல்பிடபுள்யு ஆனார். 4ம் நாள் ஆட்ட முடிவில் நியூசிலாந்து 5 விக்கெட் இழப்புக்கு 382 ரன் எடுத்துள்ளது. வாட்லிங் 81 ரன் (208 பந்து, 4 பவுண்டரி), கிராண்ட்ஹோம் 83 ரன்னுடன் (75 பந்து, 5 பவுண்டரி, 5 சிக்சர்) களத்தில் உள்ளனர். கை வசம் 5 விக்கெட் இருக்க, நியூசிலாந்து அணி 138 ரன் முன்னிலை பெற்றுள்ள நிலையில் இன்று கடைசி நாள் ஆட்டம் நடக்கிறது.

மேலும் செய்திகள்

Like Us on Facebook Dinkaran Daily News
  • china-gold25

    அதிர்ஷ்ட சாலிகள்!: சீன தங்க சுரங்க விபத்தில் 2000 அடி ஆழத்தில் சிக்கி தவித்த 11 பேர் 14 நாட்களுக்கு பிறகு மீட்பு..!

  • 25-01-2021

    25-01-2021 இன்றைய சிறப்பு படங்கள்

  • 24-01-2021

    24-01-2021 இன்றைய சிறப்பு படங்கள்

  • 22-01-2021

    22-01-2021 இன்றைய சிறப்பு படங்கள்

  • argentina21

    ஆர்ஜெண்டினாவில் ஏற்பட்ட பயங்கர நிலநடுக்கம்!: வீடுகள், கட்டிடங்கள் குலுங்கின..மக்கள் அலறடித்து ஓட்டம்..!!

படங்கள் வீடியோ கல்வி சினிமா ஜோ‌திட‌ம்