SUN குழுமத்திலிருந்து வெளிவரும் காலை நாளிதழ்

ரகானே, விஹாரி அபார ஆட்டம் இந்தியாவுக்கு வெற்றி வாய்ப்பு

2019-08-26@ 00:23:29

ஆன்டிகுவா: வெஸ்ட் இண்டீஸ் அணியுடனான முதல் டெஸ்டில், வலுவான முன்னிலை பெற்ற இந்திய அணியின் வெற்றி வாய்ப்பு பிரகாசமாகி உள்ளது.நார்த்சவுண்டு, சர் விவியன் ரிச்சர்ட்ஸ் ஸ்டேடியத்தில் நடந்து வரும் இப்போட்டியில், டாசில் வென்ற வெஸ்ட் இண்டீஸ் அணி முதலில் பந்துவீசியது. இந்தியா முதல் இன்னிங்சில் 297 ரன் குவித்து ஆல் அவுட்டானது (96.4 ஓவர்). கே.எல்.ராகுல் 44, அஜிங்க்யா ரகானே 81, ஜடேஜா 58 ரன் விளாசினர்.
வெஸ்ட் இண்டீஸ் அணி முதல் இன்னிங்சில் 222 ரன்னுக்கு சுருண்டது (74.2 ஓவர்). சேஸ் 48, கேப்டன் ஹோல்டர் 39, ஹெட்மயர் 35 ரன் எடுத்தனர். இந்திய பந்துவீச்சில் இஷாந்த் ஷர்மா 17 ஓவரில் 5 மெய்டன் உட்பட 43 ரன் விட்டுக்கொடுத்து 5 விக்கெட் கைப்பற்றினார். ஷமி, ஜடேஜா தலா 2, பூம்ரா 1 விக்கெட் வீழ்த்தினர்.

இதையடுத்து, 75 ரன் முன்னிலையுடன் 2வது இன்னிங்சை தொடங்கிய இந்திய அணி 3ம் நாள் ஆட்ட முடிவில் 3 விக்கெட் இழப்புக்கு 185 ரன் எடுத்திருந்தது. கேப்டன் கோஹ்லி 51 ரன், ரகானே 53 ரன்னுடன் நேற்று ஆட்டத்தை தொடர்ந்தனர். கோஹ்லி 51 ரன்னிலேயே (113 பந்து, 2 பவுண்டரி) வெளியேறினார். அடுத்து ரகானேவுடன் ஹனுமா விஹாரி இணைந்தார். இருவரும் பொறுப்புடன் விளையாடி ஸ்கோரை உயர்த்தினர். உணவு இடைவேளையின் போது இந்தியா 4 விக்கெட் இழப்புக்கு 287 ரன் எடுத்திருந்தது. ரகானே 90 ரன், விஹாரி 57 ரன்னுடன் களத்தில் இருந்தனர். இந்திய அணி வலுவான முன்னிலை பெற்றுள்ளதால், இப்போட்டியில் வெற்றி பெறுவதற்கான வாய்ப்பு பிரகாசமாக உள்ளது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்