SUN குழுமத்திலிருந்து வெளிவரும் காலை நாளிதழ்

மயிலாடுதுறையில் 11வது முறையாக சாலையில் 20 அடி ஆழத்துக்கு திடீர் பள்ளம் : வாகன ஓட்டிகள் அச்சம்

2019-08-25@ 21:05:40

மயிலாடுதுறை : மயிலாடுதுறையில் 11வது முறையாக சாலையில் திடீரென பள்ளம் ஏற்பட்டுள்ளது. இதனால் அந்த வழியாக செல்ல வாகன ஓட்டிகள் அச்சமடைந்துள்ளனர். நாகை மாவட்டம் மயிலாடுதுறை நகராட்சியில் 2009ம் ஆண்டு முதல் பாதாள சாக்கடை திட்டம் செயல்படுத்தப்பட்டு வருகிறது. இத்திட்டத்தில் நகரில் சேரும் கழிவுநீர் தங்கு தடையின்றி செல்வதற்காக 8 இடங்களில் பம்பிங் ஸ்டேஷன்கள் அமைக்கப்பட்டுள்ளது. 2018ம் ஆண்டு கச்சேரி சாலையில் ஊராட்சி ஒன்றிய அலுவலகம் முன்பு சாலை திடீரென உள்வாங்கியது.  இதையடுத்து, ஒரு சில மாதங்களில் தொடர்ந்து நகராட்சி அலுவலகம் எதிரில், கிளை சிறைச்சாலை, கொத்தத்தெரு, நாஞ்சில் நாடு, கச்சேரி ரோடு, ஆர்.டி.ஓ.அலுவலகம் எதிரில் உள்ளிட்ட இடங்களில் சாலை உள்வாங்கியது. பாதாள சாக்கடை குழாய் உடைந்து கழிவு நீர் வெளியேறி மண் அரிப்பு ஏற்பட்டு சாலையில் பள்ளம் உருவானது தெரியவந்தது.

இந்நிலையில் 11வது முறையாக நேற்று காலை கொத்தத்தெரு மெயின்ரோட்டில் சாலையில் 20 அடி ஆழத்துக்கு திடீரென்று பள்ளம் ஏற்பட்டது. உடன் நகராட்சி அதிகாரிகள் சென்றுபார்த்தபோது பாதாளசாக்கடை குழாய் உடைந்து கழிவுநீர் வெளியேறி மண் அரிப்பு பள்ளம் ஏற்பட்டது தெரியவந்தது. இந்த சாலையில் எப்போதும் போக்குவரத்து அதிகளவில் இருக்கும். இதனால் வாகன ஓட்டிகள் அச்சத்துடன் சென்று வருகின்றனர். இதுபற்றி அப்பகுதி மக்கள் கூறுகையில், மயிலாடுதுறை நகரில் இதுவரை 11 முறை சாலையில் பள்ளம் ஏற்பட்டுள்ளது. அதிர்ஷ்டவசமாக மக்கள் யாரும் அதில் சிக்கவில்லை. பாதாள சாக்கடை குழாய்கள் பல கிலோ மீட்டர் தூரம் சேதமடைந்துள்ளதுடன், குழாய்களில் உள்பக்கமாக அடைப்பு ஏற்பட்டு கழிவுநீர் செல்லும் பகுதி சுருங்கி விட்டது. இதன்காரணமாக குறிப்பிட்ட அளவு கழிவு நீர் வெளியே செல்ல முடியாததால் ஆங்காங்கே கழிவுநீர் வெளியேறி சாலையில் பள்ளம் ஏற்படுகிறது. கொத்தத்தெரு மெயின்ரோட்டில் ஏற்பட்டுள்ள பள்ளத்தை சீரமைக்க மாவட்ட, நகராட்சி நிர்வாகங்கள் ஆய்வு மேற்கொண்டு போர்க்கால அடிப்படையில் நடவடிக்கை எடுக்க வேண்டும். இனி இதுபோல் நடக்காமல் இருக்க உரிய நடவடிக்கை எடுக்க வேண்டும் என்றனர்.


மேலும் செய்திகள்

Like Us on Facebook Dinkaran Daily News
  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

  • climate_strike11

    பருவநிலை மாற்றத்திற்கு எதிராக இந்தியா உள்ளிட்ட 150 நாடுகளில் பேரணி : பூமியைப் பாதுகாக்க கோரி பதாகைகளை ஏந்தி இளைஞர்கள் முழக்கம்

படங்கள் வீடியோ கல்வி சினிமா ஜோ‌திட‌ம்