SUN குழுமத்திலிருந்து வெளிவரும் காலை நாளிதழ்

வங்கி மோசடிகள் பட்டியல் தயாராகிறது

2019-08-25@ 00:45:46

புதுடெல்லி: பொதுத்துறை வங்கிகளில் நடந்துள்ள மோசடிகள் குறித்து பட்டியல் எடுத்து மத்திய விஜிலென்ஸ் கமிஷனுக்கு அனுப்ப வேண்டும் என்று வங்கிகளுக்கு உத்தரவிடப்பட்டுள்ளது.   மத்திய அரசின் தன்னாட்சி அமைப்பான மத்திய விஜிலென்ஸ் கமிஷன், அரசு துறைகளில் நடக்கும் ஊழல் மற்றும் நிதி மோசடிகள் குறித்து விசாரணை நடத்தி அறிக்கை தரும். அதன் பேரில் சம்பந்தப்பட்ட விசாரணை அமைப்புகள் விசாரணை நடத்த அரசு உத்தரவிடும்.   வங்கிகளில் வராக்கடன் மோசடிகள் ஏராளமாக உள்ளன. இதுபற்றி இதுவரை பெரிய அளவில் நடவடிக்கை எடுக்கப்படவில்லை. இப்போது இது பற்றி தீவிரமாக ஆராய மத்திய அரசு  முடிவு எடுத்துள்ளது.

மத்திய அரசின் விஜிலென்ஸ் கமிஷனில் நான்கு உறுப்பினர் கொண்ட உயர் குழு அமைக்கப்பட்டுள்ளது. பொதுத்துறை வங்கிகளில் நடந்துள்ள நிதி மோசடிகள் குறித்து வங்கிகள், உடனடியாக கமிஷனுக்கு அறிக்கை அனுப்ப வேண்டும். இந்த அறிக்கையின்பேரில் நான்கு பேர் உயர் குழு உரிய ஆய்வு நடத்தி, இந்த மோசடி குறித்து சிபிஐ, அமலாக்கத்துறை என்று பிரித்து விசாரணைக்கு அனுப்பும்.   வங்கி மோசடிகளை விசாரிக்க ஏற்கனவே ரிசர்வ் வங்கி ஆலோசனையின் பேரில் ஒரு  குழு இருந்தது. இதை விஜிலென்ஸ் கமிஷன் மாற்றி அமைத்து நான்கு பேர் குழுவை  அமைத்துள்ளது குறிப்பிடத்தக்கது. வங்கியில் நடந்துள்ள 500 கோடி ரூபாய்க்கு மேற்பட்ட மோசடிகள் குறித்து கமிஷனுக்கு அனுப்பலாம் என்று வங்கிகளுக்கு விஜிலென்ஸ் கமிஷன் அறிவுறுத்தியுள்ளது.

மேலும் செய்திகள்

Like Us on Facebook Dinkaran Daily News
  • jayallithaa_mmeerrr

    மறைந்த முன்னாள் முதல்வர் ஜெயலலிதாவிற்கு ரூ.80 கோடி செலவில் பீனிக்ஸ் பறவை வடிவில் நினைவிடம்

  • 27-01-2021

    27-01-2021 இன்றைய சிறப்பு படங்கள்

  • ramukudi

    குடியரசு தின விழாவில் பாரம்பரியத்தை பறைசாற்றும் கண்கவர் நிகழ்ச்சிகள் :மாமல்லபுரம் கடற்கரை கோவில், ராமர் கோவில் அலங்கார ஊர்திகள் பங்கேற்பு!!

  • autoooo_maaa

    சாலைகளில் படுத்து மறியல்... மாட்டு வண்டி, டிராக்டர்கள், ஆட்டோக்களில் பேரணி : விவசாயிகளுக்கு ஆதரவாக தமிழர்கள் ஆவேசப் போராட்டம்!!

  • vilaaaa_neeemm

    அலங்கார ஊர்திகளின் அணிவகுப்பு, சாகசங்கள், பாரம்பரிய நடனங்களோடு குடியரசு தின விழா கோலாகலம் : விழாக்கோலம் பூண்டது மெரினா!!

படங்கள் வீடியோ கல்வி சினிமா ஜோ‌திட‌ம்