SUN குழுமத்திலிருந்து வெளிவரும் காலை நாளிதழ்

2+2 அமைச்சர்கள் பேச்சுவார்த்தை இந்திய - அமெரிக்க அதிகாரிகள் சந்திப்பு

2019-08-24@ 00:23:42

புதுடெல்லி: இந்தியா-அமெரிக்கா இடையிலான 2+2 பேச்சுவார்த்தை தொடர்பாக, இருநாடுகளின் வெளியுறவு, பாதுகாப்பு துறை அதிகாரிகள் கலிபோர்னியாவில் நேற்று ஆலோசனை நடத்தினர். கடந்த 2017ம் ஆண்டு பிரதமர் நரேந்திர மோடி அமெரிக்கா சென்றபோது, இருதரப்பு உறவுகளை மேம்படுத்துவதற்காக இருநாடுகளின் பாதுகாப்பு, வெளியுறவு அமைச்சர்கள் இடையே பேச்சுவார்த்தை நடத்த முடிவு செய்யப்பட்டது. இது, 2+2 பேச்சுவார்த்தை  என அழைக்கப்படுகிறது. இதைத் தொடர்ந்து, கடந்தாண்டு இருநாட்டு வெளியுறவு, பாதுகாப்புத் துறை அமைச்சர்கள் டெல்லியில் சந்தித்து பேச்சுவார்த்தை நடத்தினர். இதில், ராணுவம் சார்ந்த அதிநவீன தொழில்நுட்பங்களை இந்தியாவுக்கு அமெரிக்கா வழங்குவதற்கான முக்கிய ஒப்பந்தம் கையெழுத்தானது.

இந்நிலையில், இதன் 2வது பேச்சுவார்த்தை வரும் அக்டோபர் மாதம் வாஷிங்டனில் நடைபெற உள்ளது. இதற்கான ஏற்பாடுகளை இருநாடுகளையும் சேர்ந்த, இந்த துறைகளின் அதிகாரிகள் செய்து வருகின்றனர். இருநாடுகளையும் சேர்ந்த வெளியுறவு, பாதுகாப்பு துறை உயர் அதிகாரிகள், கலிபோர்னியாவில் உள்ள மோண்டிரே நகரில் நேற்று சந்தித்து பேச்சுவார்த்தை நடத்தினர். இதில், இந்திய வெளியுறவு அமைச்சகத்தின் இணை செயலாளர் கவுரங்கலால் தாஸ், பாதுகாப்பு அமைச்சக இணை செயலர் ஆனந்தராஜன், அமெரிக்க வெளியுறவு, பாதுகாப்புத் துறை உதவி செயலர்கள் பங்கேற்றனர். இக்கூட்டத்தில் இருதரப்பு பாதுகாப்பு, வெளியுறவுக் கொள்கைகளில் கடந்த முறை ஆலோசித்த பிரச்னைகள் மற்றும் அதில் ஏற்பட்டுள்ள முன்னேற்றங்கள் குறித்து ஆராயப்பட்டது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்