SUN குழுமத்திலிருந்து வெளிவரும் காலை நாளிதழ்

வடகொரியா மீண்டும் 2 ஏவுகணை சோதனை : தென்கொரியா குற்றச்சாட்டு

2019-08-17@ 00:29:57

சியோல்: வடகொரியா மீண்டும் இரண்டு ஏவுகணை சோதனையை நடத்தியதாக தென்கொரியா குற்றம்சாட்டி உள்ளது. அமெரிக்காவும், தென்கொரியாவும் இணைந்து கூட்டு ராணுவ பயிற்சியில் ஈடுபட்டுள்ளது. இதன் காரணமாக வடகொரியா கோபம் அடைந்துள்ளது. இதனை தொடர்ந்து தென்கொரியாவுக்கு எச்சரிக்கை விடுக்கும் வகையில், தொடர்ந்து அது ஏவுகணை சோதனைகளை நடத்தி வருகிறது. ‘இந்த சோதனை தென்கொரியாவுக்கு விடுக்கப்படும் எச்சரிக்கை’ எனவும் வடகொரிய அதிபர் கிம் ஜாங் உன் சமீபத்தில் தெரிவித்தார். கடந்த சில வாரங்களில் மட்டும் அவர், 4 முறைக்கு மேல் இந்த சோதனைகளை நடத்தி பீதியை கிளப்பியுள்ளார். இந்நிலையில், வடகொரியா நேற்று மீண்டும் 2 ஏவுகணை சோதனைகளை நடத்தியதாக தென்கொரியா குற்றம்சாட்டியது. இது குறித்து தென்கொரிய ராணுவ அதிகாரிகள் கூறுகையில், ‘காங்வோன் மாகாணத்தில் உள்ள டோங்சன் நகரில் இருந்து ஏவுகணைகள் சோதனை நடத்தப்பட்டன. இவை 230 கிமீ தூரம் சென்று ஜப்பானின் கிழக்கு கடல் பகுதியில் விழுந்தன,’ என்றனர்.

இது குறித்து வடகொரியா வெளியிட்டுள்ள அறிக்கையில், ‘வடகொரியாவுடன் நீண்ட காலமாக அமைதி பேச்சுவார்த்தை நடத்த வேண்டும் என விரும்பியவர். வாஷிங்டன்னுடன் கூட்டு ராணுவ பயிற்சியில் ஈடுபட்டிருக்கிறார். அதே நேரம்,  வடகொரியாவுடன் பேச்சுவார்த்தையை தொடங்க வேண்டும் என்றும் நினைக்கிறார்.  இது போன்ற ஆணவமிக்க நபரை பார்க்க முடியாது,’ என்று கூறப்பட்டுள்ளது. நேற்று முன்தினம் ஜப்பானின் 1910-1945 ஆட்சியில் இருந்து கொரியா விடுவிக்கப்பட்டதை குறிக்கும் ஆண்டு விழாவில் தென்கொரிய அதிபர் மூன் ஜே இன் கூறுகையில், “2045ம் ஆண்டுக்குள் அமைதியையும், ஐக்கியத்தையும் அடைவதற்கான இலக்கை தென்கொரியா நிர்ணயித்துள்ளது,” என்றார். இந்த கருத்தை நிராகரித்துள்ள வடகொரியா,  ‘தென்கொரியாவுடன் பேசுவதற்கு எங்களுக்கு எதுவும் கிடையாது. அவர்களுடன் பேச்சுவார்த்தை நடத்தும் யோசனையும் இல்லை,’ என்று அறிக்கை வெளியிட்டுள்ளது.


மேலும் செய்திகள்

Like Us on Facebook Dinkaran Daily News
  • formars29

    வேளாண் சட்டத்திற்கு எதிராக நாடு முழுவதும் வெடித்தது போராட்டம்!: இந்தியா கேட் அருகே டிராக்டரை தீயிட்டு எதிர்ப்பு..!!

  • coronadeath29

    கொரோனாவின் பிடியில் சிக்கி தவிக்கும் உலக நாடுகள்!: கொடிய தொற்றுக்கு பலியானோரின் எண்ணிக்கை 10 லட்சத்தை தாண்டியது..!!

  • thee29

    பற்றி எரியும் காட்டுத்தீயால் கண்ணீரில் தத்தளிக்கும் கலிபோர்னியா மாகாணம்!: பலி எண்ணிக்கை 27 ஆக அதிகரிப்பு..!!

  • vadothara29

    குஜராத் மாநிலம் வதோதராவில் 3 மாடி கட்டிடம் இடிந்து விழுந்து 3 தொழிலாளர்கள் பலி!: 10 பேர் இடிபாடுகளில் சிக்கினர்!!

  • dmk28

    புதிய வேளாண் சட்டங்களை எதிர்த்து தி.மு.க தலைமையில் தோழமைக் கட்சிகள் தமிழகம் முழுவதும் போராட்டம்: காஞ்சியில் ஸ்டாலின் பங்கேற்பு..!!

படங்கள் வீடியோ கல்வி சினிமா ஜோ‌திட‌ம்