SUN குழுமத்திலிருந்து வெளிவரும் காலை நாளிதழ்

தேங்கி கிடக்கும் குப்பைகளை அகற்றக் கோரி குப்பைக்குள் அமர்ந்து மக்கள் போராட்டம்

2019-08-14@ 19:27:02

திருப்பூர்: திருப்பூர் எஸ்.வி. காலனியில் தேங்கி கிடக்கும் குப்பைகளை அகற்றாததால், அவற்றை அகற்றகோரி அந்த பகுதி மக்கள் இன்று குப்பைக்குள் அமர்ந்து போராட்டம் நடத்தினர். திருப்பூர் மாநகராட்சிக்கு உட்பட்ட 9 வார்டு எஸ்.வி. காலனி பகுதியில் ஆயிரத்திற்கும் மேற்பட்ட பொதுமக்கள் வசித்து வருகின்றனர். இந்த பகுதியில் பள்ளிகள் வழிபாட்டுத்தலங்கள், பனியன் நிறுவனங்கள் உள்ளது. இங்கு பனியன் நிறுவனங்கள் மற்றும் வீடுகளில் சேகரம் ஆகக்கூடிய குப்பைகளை அள்ளுவதற்கு மாநகராட்சி சார்பில் ஆட்கள் வருவதில்லை. இதனால் இந்த பகுதியில் உள்ள பொது குப்பை தொட்டியில் தங்களது குப்பைகளை போட்டு வருகின்றனர். அவை நிறைந்து ரோட்டில் சிதறி வருகிறது. அவற்றை அப்புறப்படுத்த மாநகராட்சி வாகனம் ஒரு மாதங்களுக்கு மேலாக வரவில்லை. இதனால் இந்த பகுதியில் துர்நாற்றம் வீசுகிறது.

இது குறித்து இந்த பகுதி மக்கள் பலமுறை மாநகராட்சி அதிகாரிகளிடம் தகவல் தெரிவித்தும் எந்த நடவடிக்கையும் இல்லை. இதனால் ஆவேசமடைந்த அப்பகுதி மக்கள் இன்று காலை மக்கள் பாதுகாப்பு அமைப்பின் தலைவர் கார்மேகம் தலைமையில் குப்பைக்குள் அமர்ந்து போராட்டத்தில் ஈடுபட்டனர். தகவலறிந்து சம்பவ இடத்திற்கு வந்த மாநகராட்சி அதிகாரிகள் உடனடியாக குப்பைகளை அப்புறப்படுத்துவதாக உறுதி கூறியதையடுத்து பொதுமக்கள் போராட்டத்தை கைவிட்டனர். இந்த நூதன போராட்டத்தால் அந்த பகுதியில் பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • pramos1

    கப்பலை மிக துல்லியமாக தாக்கி அழிக்கும் பிரமோஸ் ஏவுகணையை வெற்றிகரமாக பரிசோதித்தது இந்தியா..!!

  • pamaka1

    20% இடஒதுக்கீடு போராட்டம்: சென்னையில் மின்சார ரயில் மீது பாமக-வினர் சரமாரி கல்வீசி தாக்குதல்...புகைப்படங்கள்!!

  • jammuele1

    ஜம்மு - காஷ்மீரில் மாவட்ட வளர்ச்சி கவுன்சில் தேர்தல்!: 2ம் கட்ட வாக்குப்பதிவு தொடங்கியது..ஆர்வமுடன் வாக்களிக்கும் மக்கள்..!!

  • nuclearscientist1

    ஈரானில் கொல்லப்பட்ட அணு விஞ்ஞானியின் உடல் டெஹ்ரான் நகரில் அடக்‍கம்!: இறுதி ஊர்வலத்தில் ஏராளமானோர் பங்கேற்பு..!!

  • 01-12-2020

    01-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்