SUN குழுமத்திலிருந்து வெளிவரும் காலை நாளிதழ்

நாளுக்கு நாள் தொடர்ந்து அதிகரிப்பு தங்கம் விலை ரூ.29,000ஐ தாண்டியது : விரைவில் ரூ.30,000 எட்டுமா? நகை வாங்குவோர் அதிர்ச்சி

2019-08-14@ 00:13:06

சென்னை: தங்கம் விலை தொடர்ச்சியாக நாள்தோறும் உயர்ந்து, சவரன் ரூ.29 ஆயிரத்தை தாண்டியது. இம்மாத இறுதிக்குள் சவரன் விலை ரூ.30 ஆயிரத்தை தாண்டும் என்று நகை வியாபாரிகள் கூறியுள்ளனர். தங்கம் விலை புதிய உச்சத்தை தொடர்ந்து வருவது நகை வாங்குவோரை கடும் அதிர்ச்சிக்கு உள்ளாக்கியுள்ளது. தங்கம் விலை கடந்த மே மாதம் முதல் உயர்ந்து வருகிறது. அதுவும் சிறிது, சிறிதாக தான் உயர்ந்து வந்தது. ஆனால் இதற்கு மாறாக, இந்த மாதம் தொடக்கத்தில் இருந்து தங்கம் விலை தொடர்ந்து அதிகரித்து வருகிறது. அதாவது கடந்த 1ம் தேதி ஒரு சவரன் ரூ.26,480, 2ம் தேதி ரூ.27,064, 3ம் தேதி ரூ.27,328, 5ம் தேதி ரூ.27,680, 6ம் தேதி ரூ.27,784, 7ம் தேதி ரூ.28,376, 8ம் தேதி ரூ.28,464, 9ம் தேதி ரூ.28,552, 10ம் தேதி ரூ.28,656க்கும் விற்கப்பட்டது. ஞாயிற்றுக்கிழமை தங்கம் மார்க்கெட்டுக்கு விடுமுறை. அதனால் சனிக்கிழமை விலையிலேயே தங்கம் விற்பனையானது. நேற்று முன்தினம் (12ம் தேதி) ஒரு கிராம் தங்கம் ரூ.3,603க்கும், சவரன் ரூ.28,824க்கும் விற்கப்பட்டது. இந்நிலையில் நேற்றும் தங்கம் விலை அதிகப்படியாக உயர்ந்து புதிய உச்சத்தை தொட்டது. அதாவது, கிராமுக்கு 24 அதிகரித்து ஒரு கிராம் ரூ.3,627க்கும், சவரன் ரூ.192 அதிகரித்து ஒரு சவரன் 29,016க்கும் விற்கப்பட்டது. தொடர்ச்சியாக 13 நாட்களில் சவரனுக்கு 2536 அளவுக்கு தங்கம் விலை உயர்ந்துள்ளது.

தங்கம் விலை தினமும் புதிய உச்சத்தை தொட்டு வரலாற்று சாதனை படைத்து வருவது நகை வாங்குவோரை கடும் அதிர்ச்சிக்கு உள்ளாக்கியுள்ளது. வரும் மாதங்களில் திருமணம் உள்ளிட்ட விசஷே தினங்கள் அதிக அளவில் நடைபெறுவது வழக்கம். இந்த நேரத்தில் தங்கம் விலை அதிகரித்து வருவது திருமணம் உள்ளிட்டவற்றிற்கு நகை வாங்க பணம் சேர்த்து வைத்திருப்பவர்களுக்கு மேலும் கூடுதல் சுமையை ஏற்படுத்தியுள்ளது. இந்நிலையில் நகை வாங்குவோரை அதிர்ச்சியடைய வைக்கும் வகையில் வரும் நாட்களில் தங்கம் விலை மேலும் உயரும் என்று நகை வியாபாரிகள் கூறியுள்ளனர். அதுமட்டுமல்லாமல், இம்மாத இறுதிக்குள் தங்கம் சவரன் ரூ.30,000ஐ தாண்டும் என்றும் அவர்கள் அதிர்ச்சி தகவலை தெரிவித்துள்ளனர். இதுகுறித்து, சென்னை தங்கம், வைரம் வியாபாரிகள் சங்க தலைவர் ஜெயந்திலால் சலானி கூறியதாவது: சீனா மற்றும் ஹாங்காங் நாடுகள் பெருமளவில் தங்கம் வாங்கி வருகிறது. அது மட்டுமல்லாமல் இ.சி.ஜி. பேங்க் தங்கத்தின் மீது முதலீடு செய்து வருகிறது. அதனால், உலக சந்தையில் தங்கம் விலை தொடர்ந்து உயர்ந்து வருகிறது.

இதன் தாக்கம் உள்நாட்டு சந்தையில் எதிரொலித்து தங்கம் விலை உயர்ந்து வருகிறது. இன்னும் விலை உயரத்தான் வாய்ப்புள்ளது. குறைவதற்கு வாய்ப்பில்லை. இம்மாதம் இறுதிக்குள் தங்கம் விலை ரூ.30,000ஐ தாண்ட வாய்ப்புள்ளது. தங்கம் விலை உயர்வால் நுகர்வோர் ஒரு அதிர்ச்சியான சூழ்நிலையில் இருந்து வருகின்றனர். இவ்வாறு அவர் கூறினார். தங்கம் விலை உயர்வால் நகை கடைகளில் விற்பனை பாதிக்கப்படவில்லை என்று கூறப்படுகிறது. ஏனென்றால் இப்படியே விட்டால் தங்கம் விலை இன்னும் உயர தான் செய்யும். இப்போதே வாங்கினால் இன்னும் விலை ஏற்றத்தில் இருந்து தப்பிக்கலாம் என்று மக்கள் நினைக்க தொடங்கியுள்ளனர். அதனால் விலையை பொருட்படுத்தாமல் நகையை வாங்கி வருவதாக கூறப்படுகிறது.

மேலும் செய்திகள்

Like Us on Facebook Dinkaran Daily News
  • pramos1

    கப்பலை மிக துல்லியமாக தாக்கி அழிக்கும் பிரமோஸ் ஏவுகணையை வெற்றிகரமாக பரிசோதித்தது இந்தியா..!!

  • pamaka1

    20% இடஒதுக்கீடு போராட்டம்: சென்னையில் மின்சார ரயில் மீது பாமக-வினர் சரமாரி கல்வீசி தாக்குதல்...புகைப்படங்கள்!!

  • jammuele1

    ஜம்மு - காஷ்மீரில் மாவட்ட வளர்ச்சி கவுன்சில் தேர்தல்!: 2ம் கட்ட வாக்குப்பதிவு தொடங்கியது..ஆர்வமுடன் வாக்களிக்கும் மக்கள்..!!

  • nuclearscientist1

    ஈரானில் கொல்லப்பட்ட அணு விஞ்ஞானியின் உடல் டெஹ்ரான் நகரில் அடக்‍கம்!: இறுதி ஊர்வலத்தில் ஏராளமானோர் பங்கேற்பு..!!

  • 01-12-2020

    01-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்