SUN குழுமத்திலிருந்து வெளிவரும் காலை நாளிதழ்

பொதுத்துறை நிறுவனங்களான பி.எஸ்.என்.எல்., எம்.டி.என்எல். ஆகியவற்றை மூடும் எண்ணம் இல்லை: மத்திய அரசு தகவல்

2019-06-27@ 12:31:46

புதுடெல்லி: பொதுத்துறை நிறுவனங்களான பி.எஸ்.என்.எல் மற்றும் எம்.டி.என்எல். ஆகியவற்றை மூடும் எண்ணம் இல்லை என மத்திய அரசு தெரிவித்துள்ளது. கடும் நிதி நெருக்கடியில் சிக்கி தவிக்கும் இவ்விரு நிறுவனங்களையும் மூடும் எண்ணம் இல்லை என மத்திய தொலைத்தொடர்பு துறை அமைச்சர் ரவிஷங்கர் பிரசாத் மக்களவையில் தெரிவித்துள்ளார். இதுகுறித்து அவர் எழுத்தப்பூர்வமாக அளித்துள்ள பதிலில், தொலைத்தொடர்புத் துறையில் உருவாகியுள்ள கடும் போட்டி, ஊழியர்களுக்கான செலவு, 4ஜி சேவைகள் இல்லாமை மற்றும், ஊழியர்களின் அதிகப்படியான சம்பளம் உள்ளிட்ட காரணங்களால் பி.எஸ்.என்.எல் மற்றும் எம்.டி.என்.எல் நிறுவனங்கள் கடும் நிதி நெருக்கடியில் சிக்கியுள்ளன. இவற்றை மீட்டெடுக்க விரிவான திட்டங்கள் தயாரிக்கப்பட்டு வருவதாக மத்திய அமைச்சர் கூறியுள்ளார்.

மேலும், 4ஜி ஒதுக்கீட்டின்போது அரசு பொதுத்துறை நிறுவனங்கள் ஈடுபடுத்தப்படவில்லை. ஏனென்றால், அரசின் ஆதரவோடு பொதுத்துறை நிறுவனங்கள் போட்டியைச் சீர்குலைக்கும் எனக் கருதப்பட்டது. ஆனால், சந்தையின் சூழலையும், போட்டியையும் கருத்தில்கொண்டு 4ஜி சேவைகளில் தொடங்குவது குறித்து நாங்கள் பரிசீலிப்போம். தனியார் தொலைத்தொடர்பு நிறுவனங்களின் ஊழியர் செலவைக் காட்டிலும் பிஎஸ்என்எல், எம்டிஎன்எல் நிறுவனங்களின் ஒட்டுமொத்த ஊழியர் செலவு மிக அதிகமாக உள்ளது. பி.எஸ்.என்.எல் நிறுவன ஊழியர்களின் சம்பளம், மொத்த வருமானத்தில் 75.06 சதவிகிதம் ஆகவும், எம்.டி.என்.எல் நிறுவனத்தின் மொத்த வருமானத்தில் 87.15 சதவிகிதமாகவும் உள்ளதாக ரவிஷங்கர் பிரசாத் தெரிவித்துள்ளார்.

அதே நேரம், தனியார் தொலைத்தொடர்பு நிறுவன ஊழியர்களின் சம்பளம், அந்தந்த நிறுவனங்களின் மொத்த வருமானத்தில் 2.9 சதவிகிதம் முதல் 5 சதவிகிதம் வரையே உள்ளது. நாங்கள் ஊழியர்கள் மீது கவனம் செலுத்தவும் விரும்புகிறோம். அதே நேரத்தில் பொதுத்துறை நிறுவனங்களுக்கும் புத்துயிர் கொடுக்க விரும்புகிறோம். பொதுத்துறை நிறுவனங்களை இயக்குவது மிகவும் அவசியம். பிஎஸ்என்எல் நிறுவனம் மீண்டெழுந்து திறம்பட செயல்பட வேண்டுமென நாங்கள் விரும்புகிறோம். பிஎஸ்என்எல், எம்டிஎன்எல் நிறுவனங்களுக்குப் புத்துயிர் கொடுப்பதற்காகவும், மறுகட்டமைப்பு செய்வதற்காகவும் திட்டத்தை உருவாக்குவதற்காக இந்திய மேலாண்மைக் கழகமும்(அகமதாபாத்), தனியார் ஆலோசனை நிறுவனமான டெலாய்ட்டும் இணைந்து பணிபுரிந்து வருகின்றன என்று தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • formars29

    வேளாண் சட்டத்திற்கு எதிராக நாடு முழுவதும் வெடித்தது போராட்டம்!: இந்தியா கேட் அருகே டிராக்டரை தீயிட்டு எதிர்ப்பு..!!

  • coronadeath29

    கொரோனாவின் பிடியில் சிக்கி தவிக்கும் உலக நாடுகள்!: கொடிய தொற்றுக்கு பலியானோரின் எண்ணிக்கை 10 லட்சத்தை தாண்டியது..!!

  • thee29

    பற்றி எரியும் காட்டுத்தீயால் கண்ணீரில் தத்தளிக்கும் கலிபோர்னியா மாகாணம்!: பலி எண்ணிக்கை 27 ஆக அதிகரிப்பு..!!

  • vadothara29

    குஜராத் மாநிலம் வதோதராவில் 3 மாடி கட்டிடம் இடிந்து விழுந்து 3 தொழிலாளர்கள் பலி!: 10 பேர் இடிபாடுகளில் சிக்கினர்!!

  • dmk28

    புதிய வேளாண் சட்டங்களை எதிர்த்து தி.மு.க தலைமையில் தோழமைக் கட்சிகள் தமிழகம் முழுவதும் போராட்டம்: காஞ்சியில் ஸ்டாலின் பங்கேற்பு..!!

படங்கள் வீடியோ கல்வி சினிமா ஜோ‌திட‌ம்