SUN குழுமத்திலிருந்து வெளிவரும் காலை நாளிதழ்

மதுரையில் மீண்டும் போலீஸ் அத்துமீறல் கர்ப்பிணியை தாக்கினார் எஸ்ஐ: ஜி.ஹெச்சில் உறவினர்கள் முற்றுகை

2019-06-21@ 04:54:09

மதுரை: மதுரை அருகே, கொந்தகை கிராமம் முனியாண்டிபுரத்தை சேர்ந்த காளீஸ்வரன் மனைவி சித்ரா. இவர் 7 மாத கர்ப்பிணி. கடந்த 18ம் தேதி அப்பகுதியில் நடைபெற்ற கோயில் திருவிழாவின் போது பிரச்னை ஏற்பட்டுள்ளது. இதில்  கணவர் காளீஸ்வரனை, போலீஸ் எஸ்ஐ ஜான்சன் கைது செய்ய முயன்றபோது சித்ரா தடுத்துள்ளார். இதில் கோபமடைந்த எஸ்ஐ, கர்ப்பிணி என்றும் பாராமல் அவரை தாக்கியதாக தெரிகிறது. இதில் சித்ராவிற்கு வயிற்றில் கடும் வலி ஏற்பட்டு மதுரை அரசு மருத்துவமனையில்  சேர்க்கப்பட்டுள்ளார். எஸ்ஐ ஜான்சன் மீது உரிய நடவடிக்கை எடுக்கக்கோரி உறவினர்கள் மற்றும் எவிடன்ஸ் தொண்டு அமைப்பினர் நேற்று மதுரை அரசு  மருத்துமனை வாயில் முன்பு, கண்டன வாசகங்களுடனான பதாகைகளை ஏந்தி முற்றுகை போராட்டத்தில் ஈடுபட்டனர்.

ஏற்கனவே மதுரையில் லத்தியை வீசி போலீஸ் தாக்கியதில் விவேகானந்தகுமார் பலியான நிலையில், மேலும் ஒரு போலீஸ் காரர் தாக்குதலில் கர்ப்பிணி பெண் பாதிக்கப்பட்டிருப்பது பெரும் பரபரப்பை ஏற்படுத்தியுள்ளது. கணவர் காளீஸ்வரன் கூறும்போது, ‘‘கர்ப்பிணியான என் மனைவியை தாக்கிய போலீஸ் மீது நடவடிக்கை எடுக்கவேண்டும். மருத்துவமனையில் தகுந்த சிகிச்சை வழங்கப்பட வேண்டும்’’ என்றார்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்