SUN குழுமத்திலிருந்து வெளிவரும் காலை நாளிதழ்

மழை நீரை சேமிக்க நடவடிக்கை எடுங்கள்: பஞ்சாயத்து தலைவர்களுக்கு மோடி கடிதம்

2019-06-16@ 00:47:33

புதுடெல்லி: மழை நீரை சேமிக்கும்படி நாடு முழுவதும் உள்ள அனைத்து கிராம பஞ்சாயத்து தலைவர்களுக்கும் பிரதமர் மோடி கடிதம் எழுதியுள்ளார்.  நாடு முழுவதும் குடிநீர் பிரச்னை தலைதூக்கியுள்ளது. இதனால், மக்கள் நெடுந்தொலைவு சென்று குடிநீர் எடுத்துவரும் அவல நிலை நிலவுகிறது. இதையடுத்து, மழை நீரை சேமிக்கும்படி நாட்டில் உள்ள அனைத்து பஞ்சாயத்துகளின் தலைவர்களுக்கும் பிரதமர் மோடி கடிதம் எழுதியுள்ளார். அதில், அவர் கூறியிருப்பதாவது: பருவமழை விரைவில் தொடங்க உள்ளது. அப்போது, இயற்கை கொடுத்த மழை நீரை முடிந்த அளவுக்கு சேமிக்க ேதவையான ஏற்பாடுகளை மேற்கொள்ள வேண்டும். இதற்காக ஆறுகள் மற்றும் கால்வாய்களின் குறுக்கே சிறு அணைகள் மற்றும் தடுப்பணைகளை கட்ட வேண்டும் அல்லது ஏற்கனவே உள்ள நீர்நிலைகளை பராமரிப்பு ெசய்ய வேண்டும்,  அணைகளை தூர்வார வேண்டும்.

இதன் மூலம், மழை நீரை தேவையான அளவுக்கு சேமிக்க முடியும். இவ்வாறு செய்தால் பயிர்களின் விளைச்சலை அதிகரிக்க முடியும். கூடுதல் நீரை அணைகளில் சேமிப்பதால் நமது பல்வேறு தேவைகளுக்கும் பயன்படுத்தி கொள்ள முடியும். எனவே, அனைத்து பஞ்சாயத்து தலைவர்களும் உடனே கூட்டங்களை நடத்தி, மழைநீர் சேமிப்பின் அவசியம் குறித்த எனது கடிதத்தை மக்களிடம் வாசித்து காண்பிக்க வேண்டும். தூய்மை இந்தியா திட்டத்தை பஞ்சாயத்து தலைவர்கள் தலைமை தாங்கி மாபெரும் மக்கள் இயக்கமாக மாற்ற வேண்டும். இவ்வாறு அதில் கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • 300kg11

    பிரான்சில் 300 கிலோ எடையுள்ள நபரை, வீட்டினை உடைத்து கிரேன் மூலமாக மீட்ட மீட்புப் படையினர்!!

  • monkey_thaayklannn1

    குரங்குகளுக்கு உணவு வழங்கும் திருவிழா : தாய்லாந்தில் வினோதம்!!

  • eelephanttt11

    35 ஆண்டுகள் சிறை வாழ்க்கை வாழ்ந்த உலகின் தனிமையான காவன் யானைக்கு புதிய வாழ்க்கை : துதிக்கையை கொடுத்து மகிழ்ச்சியை வெளிப்படுத்தியது

  • muskes_ambani11

    27 தளங்கள், 3 ஹெலிகாப்டர் இறங்கு தளம், 168 கார் பார்க்கிங், 9 விரைவு லிப்டுகள்,600 ஊழியர்கள்... உலகின் 2வது பிரமாண்டம் மிகுந்த முகேஷ் அம்பானியின் வீடு!!

  • delhi_farmnmmmeee

    திறந்தவெளியில் சமைத்து, கடும் குளிர் சாலையில் உறங்கியபடி, 7ம் நாளாக தொடர் போராட்டம் :டெல்லியில் மிரளவைக்கும் வைக்கும் விவசாயிகளின் கிளர்ச்சி!!

படங்கள் வீடியோ கல்வி சினிமா ஜோ‌திட‌ம்