SUN குழுமத்திலிருந்து வெளிவரும் காலை நாளிதழ்

குவைத்தில் வேலைக்கு சென்ற பெண்ணுக்கு சித்ரவதை மனைவியை மீட்கக்கோரி எஸ்பி ஆபீசில் கணவன் மனு

2019-05-05@ 01:14:27

ஈரோடு: குவைத் நாட்டில் வேலைக்கு சென்ற பெண்ணை முதலாளியின் குடும்பத்தினர் அடித்து சித்ரவதை செய்வதாக வாட்ஸ்அப் வீடியோ காலில் தகவல் தெரிவித்ததால் அவரை மீட்டு தரக்கோரி கணவர் ஈரோடு எஸ்பி அலுவலகத்தில் மனு அளித்தார். ஈரோடு  கருங்கல்பாளையம் கேஏஎஸ் நகர் மரப்பாலம் ரோட்டை சேர்ந்தவர் நவாஸ்கான்(48).  இவரது மனைவி யாஸ்மீன்(45). இவர்களுக்கு சமீன்(29) என்ற மகளும்,  நாஜிரூல்லா(28) என்ற மகனும் உள்ளனர். இந்நிலையில், நவாஸ்கான் அவரது மகள்  சமீன் ஆகியோர் நேற்று காலை ஈரோடு எஸ்பி அலுவலகத்தில் எஸ்பி சக்தி கணேசனிடம்  புகார் மனு அளித்தனர். அதில் நவாஸ்கான் தெரிவித்துள்ளதாவது:

எனது  மனைவி யாஸ்மீனை வீட்டு வேலைக்காக கடந்த ஜனவரி 11ம் தேதி குவைத்  நாட்டிற்கு எனது அக்கா மகன் நிஜாமின் பரிந்துரையின் பேரில் அழைத்து  செல்லப்பட்டார். நான்கு மாதமாக குவைத் நாட்டில் இருக்கிறார். நேற்று முன்தினம் யாஸ்மீன் என்னை ‘வீடியோ காலில்’ தொடர்பு கொண்டார். அப்போது முதலாளியின் குடும்பத்தினர் தன்னை அடித்து கொடுமைப்படுத்துவதாகவும், கொதிக்கும் தண்ணீரை கையில்  ஊற்றி சித்ரவதை செய்வதாகவும், வேலை பார்த்ததற்கு சம்பளம் கேட்டால், அவர்கள் அனைவரும் ஒன்று சேர்ந்து அடித்து  உதைப்பதாகவும், இதனால் தன்னை காப்பாற்றும்படி கூறி போனை துண்டித்து  விட்டார். எனவே, குவைத் நாட்டில் உள்ள என் மனைவியை மீட்க வேண்டும். இவ்வாறு மனுவில் தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • dmk28

    புதிய வேளாண் சட்டங்களை எதிர்த்து தி.மு.க தலைமையில் தோழமைக் கட்சிகள் தமிழகம் முழுவதும் போராட்டம்: காஞ்சியில் ஸ்டாலின் பங்கேற்பு..!!

  • india-jappan28

    வடக்கு அரபிக் கடற்பகுதியில் இந்திய - ஜப்பானிய கடற்படையினர் கூட்டாகப் போர் பயிற்சி!: புகைப்படங்கள்

  • soldier28

    தென் கொரியா உடனான போரில் உயிர் தியாகம் செய்த 117 சீன வீரர்களின் அஸ்தி சீனாவிடம் ஒப்படைப்பு!: புகைப்படங்கள்

  • balaji28

    திருப்பதி ஏழுமலையான் கோயிலில் பிரம்மோற்சவம் நிறைவு!: பால், தயிர், தேன் கொண்டு சக்கரத்தாழ்வாருக்கு தீர்த்தவாரி..!!

  • ukraine28

    உக்ரைனில் கோர விபத்து: ராணுவ விமானம் தரையில் விழுந்து தீப்பிடித்ததில் 25 பேர் உடல் கருகி பலி..புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்