SUN குழுமத்திலிருந்து வெளிவரும் காலை நாளிதழ்

நியூசிலாந்து ஓபன் பேட்மின்டன் சாய்னா அதிர்ச்சி தோல்வி

2019-05-02@ 04:43:08

ஆக்லாந்து: நியூசிலாந்து ஓபன் பேட்மின்டன் தொடரின் மகளிர் ஒற்றையர் பிரிவு முதல் சுற்றில், இந்தியாவின் நட்சத்திர வீராங்கனை சாய்னா நெஹ்வால் அதிர்ச்சி தோல்வியடைந்தார்.ஆக்லாந்து நகரில் நேற்று தொடங்கிய இந்த தொடரில், முதல் சுற்றில் சீனாவின் வாங் ஸியியுடன் (19 வயது, 212வது ரேங்க்) மோதிய சாய்னா (29 வயது, 9வது ரேங்க்) 16-21 என்ற கணக்கில் முதல் செட்டை இழந்து பின்தங்கினார்.  இரண்டாவது சுற்றில் சீன வீராங்கனைக்கு ஈடுகொடுத்து விளையாடிய அவர் 23-21 என்ற கணக்கில் போராடி வென்று 1-1 என சமநிலை ஏற்படுத்தினார்.

எனினும், 3வது மற்றும் கடைசி செட்டில் அதிரடியாகப் புள்ளிகளைக் குவித்த வாங் ஸியி  21-16, 21-23, 21-4 என்ற செட் கணக்கில் வென்று 2வது சுற்றுக்கு முன்னேறினார். விறுவிறுப்பான இப்போட்டி 1 மணி, 7 நிமிடத்துக்கு நீடித்தது. ஆண்கள் ஒற்றையர் பிரிவு முதல் சுற்றிலும், இந்திய வீரர் லக்‌ஷ்யா சென் 21-15, 18-21, 10-21  என்ற செட் கணக்கில் தைவான் வீரர் வாங் ட்ஸூ வெய்யிடம் தோற்று வெளியேறினார்.


மேலும் செய்திகள்

Like Us on Facebook Dinkaran Daily News
  • 26-09-2020

    26-09-2020 இன்றைய சிறப்பு படங்கள்

  • 25-09-2020

    25-09-2020 இன்றைய சிறப்பு படங்கள்

  • 24-09-2020

    24-09-2020 இன்றைய சிறப்பு படங்கள்

  • mumbairain23

    விடாத கனமழையால் தண்ணீரில் மிதக்கும் மும்பை மாநகரம்!: சாலையில் தேங்கிய மழைநீரால் போக்குவரத்து பாதிப்பு..!!

  • ele23

    தென் ஆப்பிரிக்காவின் போட்ஸ்வானாவில் நஞ்சு உருவான நீரைப் பருகிய 300க்கு மேற்பட்ட யானைகள் திடீர் பலி!: ஆய்வாளர்கள் அதிர்ச்சி..!!

படங்கள் வீடியோ கல்வி சினிமா ஜோ‌திட‌ம்