ராமநாதபுரம்: ராமநாதபுரம் மாவட்டம், பரமக்குடி ஈஸ்வரன் கோயில் முன்பு கடந்த மாதம் 19ம் தேதி பாஜ நகர தலைவர் முருகன் (46), ஒரு கும்பலால் பைப் வெடிகுண்டு வீசியும், வெட்டியும் கொலை செய்யப்பட்டார். விசாரணையில் சொத்து பிரச்னையில் கூலிப்படை மூலம் முருகன் கொலை செய்யப்பட்டது தெரியவந்தது. இதுதொடர்பாக தனிப்படை போலீசார் பரமக்குடி வேந்தோணியைச் சேர்ந்த தற்போது சென்னையில் வசித்து வரும் ராஜாமுகமது (58), அவரது மருமகன் பரமக்குடியைச் சேர்ந்த மனோகரன் (41), கூலிப்படையைச் சேர்ந்த மதுரை காயிதேமில்லத் நகர் சுல்தான்அலாவுதீன் மகன் வாழக்காய் என்ற ரபீக்ராஜா, மதுரை தாசில்தார் பள்ளிவாசல் தெருவைச் சேர்ந்த அகம்மது மகன் சாகுல்ஹமீது ஆகிய 4 பேரை கைது செய்துள்ளனர். தலைமறைவாக உள்ள ஒருவரை தேடி வருகின்றனர். ரபீக்ராஜா 1996ல் ஒரு கொலை வழக்கில் சம்பந்தப்பட்டுள்ளார். இவர் போலீஸ் பக்ருதீனின் கூட்டாளி.