புதுடெல்லி: தங்கம் வாங்கி குவிக்க நகை வியாபாரிகள் ஆர்வம் காட்டாததால் நேற்று அதன் விலை சரிந்தது. சர்வதேச சந்தையில் ஏற்பட்ட மாற்றம், உள்ளூர் நகை வியாபாரிகள் மற்றும் வர்த்தகர்கள் தங்கம் வாங்கி குவிக்க ஆர்வம் காட்டாதது உள்ளிட்ட காரணங்களால் நேற்று அதன் விலை சரிந்தது.
டெல்லியில் சுத்த தங்கத்தின் விலை ரூ.430 குறைந்து, 10 கிராம் ரூ.32,020க்கு விற்பனை செய்யப்பட்டது. எனினும் ஆபரண தங்கத்தின் விலை எவ்வித மாற்றமின்றி, 8 கிராம் ரூ.24,800க்கு விற்பனையானது.

இதேபோல் வெள்ளி உலோகத்தையும் தொழில் நிறுவனங்கள் மற்றும் நாணய தயாரிப்பாளர்கள் வாங்கி செல்ல முன்வரவில்லை. இதனால் நேற்று அதன் விலை ரூ.250 குறைந்து, கிலோ ரூ.40,650க்கு விற்கப்பட்டது. வாரச்சந்தையிலும் இதன் விலை ரூ.190 குறைந்து, கிலோ ரூ.39,850க்கு விற்பனை செய்யப்பட்டது.