ஸ்ரீநகர் : நாடாளுமன்ற தாக்குதல் தீவிரவாதி அப்சல் குரு தூக்கிலிடப்பட்டதை கண்டித்து காஷ்மீரில் நேற்று 2வது நாளாக  ஊரடங்கு உத்தரவு அமலில் இருந்தது.   
நாடாளுமன்ற தாக்குதல் தீவிரவாதி அப்சல் குரு நேற்று முன்தினம் தூக்கிலிடப்பட்டார். இவர் காஷ்மீரைச் சேர்ந்தவர் என்பதால் அங்கு பதற்றம் நிலவியது.

இதையடுத்து காஷ்மீரில் நேற்று இரண்டாவது நாளாக ஊரடங்கு உத்தரவு அமலில் இருந்தது. சட்டம் ஒழுங்கை பாதுகாக்க போலீசார் மற்றும் துணை ராணுவப் படையினர் அதிக அளவில் ஈடுபடுத்தப்பட்டனர். பாராமுல்லா மாவட்டத்தில் நேற்று போராட்டம் நடத்திய கும்பலை கலைக்க போலீசார் துப்பாக்கி சூடு நடத்தினர்.

இதில் 4 பேர் காயம் அடைந்தனர். அதில் 2 பேர் ஸ்ரீநகரில் உள்ள ஆஸ்பத்திரியில் ஆபத்தான நிலையில் சேர்க்கப்பட்ட னர். இவர்களில் ஒருவர் பலியானார்.
அரசு கேட்டுக் கொண்டபடி செய்தி சேனல்களை கேபிள் டி.வி ஆபரேட்டர்கள் ஒளிபரப்பவில்லை. ஊரடங்கு உத்தரவால் செய்திதாள்களும் மக்களை சென்றடையவில்லை.