SUN குழுமத்திலிருந்து வெளிவரும் காலை நாளிதழ்

ஐஎஸ் அமைப்புக்கு நிதி திரட்டிய விவகாரம், சிரியா தலைவரிடம் பேசியது என்ன? சென்னை வாலிபரிடம் விசாரணை

2017-02-23@ 00:04:40

சென்னை: ஐஎஸ்ஐஎஸ் தீவிரவாத அமைப்பிற்கு நிதி மற்றும் ஆட்கள் திரட்டிய வழக்கில் மயிலாப்பூரை சேர்ந்த வாலிபரிடம் 2வது நாளாக தீவிரவாத தடுப்பு போலீசார் சிரியாவில் உள்ள பயங்கரவாத தலைவரிடம் நேரடியாக பேசியது என்ன என்பது குறித்து துருவி துருவி  விசாரணை நடத்தி வருகின்றனர்.
ஐஎஸ்ஐஎஸ் பயங்கரவாத அமைப்புடன் நேரடி தொடர்பு வைத்திருந்த ராஜஸ்தான் மாநிலத்தை ேசர்ந்த பிரபல தங்கம் கடத்தல் மன்னன் ஜமீல் அகமது வை கடந்த நவம்பர் மாதம் தீவிரவாத தடுப்பு பிரிவு போலீசார் கைது செய்தனர். அவருடன் நெருங்கிய தொடர்பு வைத்திருந்த சென்னை மயிலாப்பூரை சோந்த முகமது இக்பாலை ஐஎஸ்ஐஎஸ் அமைப்புக்காக ரூ.65 ஆயிரம் பணம் வழங்கியதும் தெரியவந்தது.

 இதையடுத்து ராஜஸ்தான் தீவிரவாத தடுப்பு பிரிவு போலீசார் தங்கம் கடத்தல் வழக்கில் புழல் சிறையில் இருந்த முகமது இக்பாலை கடந்த 13ம் தேதி கைது செய்தனர். பின்னர் ராஜஸ்தானுக்கு அழைத்து செல்லப்பட்டு நேற்று முன்தினம் விசாரணைக்காக சென்னைக்கு அழைத்து வரப்பட்டார். தற்போது சென்னை கோட்டூர்புரம் காவல் நிலையத்தில் ராஜஸ்தான் தீவிரவாத தடுப்பு பிரிவு போலீசார், தமிழக உளவுத்துறை அதிகாரிகள், கியூ பிரிவு அதிகாரிகள், சென்னை மாநகர போலீசார் உதவியுடன் இரண்டு நாட்களாக தீவிர விசாரணை நடத்தி வருகின்றனர்.  இதற்கிடையே 12 மணி நேரத்திற்கு ஒரு முறை சைதாப்பேட்டை அரசு மருத்துவமனையில் முகமது இக்பாலுக்கு மருத்துவ பரிசோதனை நடத்தப்பட்டு வருகிறது.

முகமது இக்பாலிடம் நேற்று விடிய விடிய நடத்தப்பட்ட விசாரணை குறித்து போலீசார் கூறியதாவது: முகமது இக்பால் கடந்த 2015ம் ஆண்டு ஈரான் நாட்டிற்கு செல்ல ஐதராபாத்தில் உள்ள ஈரான் தூதரகத்தில் விசாவுக்கு பதிவு செய்திருந்தார். பின்னர் முகமது இக்பால் தந்தைக்கு காய்ச்சல் இருந்ததால் அவர் தூதரகத்தில் விசா பெறுவதற்கான விசாரணையில் கலந்து கொள்ளவில்லை. இதற்காக ஒரு பன்னாட்டு ஏஜென்சியை அணுகினார். அதன்படி iqb1984@yahoo.com என்ற மின்னஞ்சல் மூலம் தொடர்பை ஏற்படுத்தி அதில் கிடைக்கப்பற்ற தகவல்கள் மூலமாக ஒரு குறிப்பிட்ட பன்னாட்டு சுற்றுலா சேவை நிறுவனத்திற்கு மின் அஞ்சல் பணம் பரிமாற்றம் மூலமாக 90 யூரோ அதாவது இந்திய மதிப்பில் 8,098 ரூபாயை  செலுத்தியுள்ளார்.

அதன்பிறகு ஐஎஸ் பயங்கரவாத இயக்கத் தலைவர்களில் ஒருவரான அபுசாத் உடன் “கே.ஐ.கே. மெசென்ஜர்” மூலம் நேரடியாக முகமது இக்பால் பேசி அவர் கூறும் கட்டளைகளை நிறைவேற்றி வந்துள்ளார். இதனால் அபுசாத் எந்த விதமான கட்டளைகளை வழங்கினார். ஐஎஸ்ஐஎஸ் அமைப்புக்கு ஆட்கள் திரட்ட எந்த விதமான வீடியோக்கள் அனுப்பட்டது.  முகமது இக்பால் வலையில் சிக்கி உள்ள 4 கல்லூரி மாணவர்கள் உட்பட 14 பேருக்கு எந்த விதமான மூளை சலவை செய்யப்பட்டது. ஐஎஸ்ஐஎஸ் இயக்கத்தில் சேர்வதற்கு மூலையாக காண்பிக்கப்பட்ட வீடியோ என்ன? அதில் யார் பேசியது? மாணவர்களிடம் முகமது இக்பால் எப்படி அணுகி தன் வசப் படுத்தினார்? அபுசாத் அனுப்பிய குறுஞ்செய்திகள் மற்றும் வீடியோக்களின் தொகுப்பு என்ெனன்ன என்பது குறித்து விசாரணை நடத்தப்பட்டு வருகிறது. இவ்வாறு அவர்கள் கூறினர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்