பெங்களூரு: முன்னாள் அமைச்சர் ஜனார்த்தனரெட்டி மகளின் நலுங்கு சடங்கில் தமிழ்  திரைப்பட நட்சத்திரங்கள் கலந்துகொண்டு நடனமாடியது பரபரப்பை ஏற்படுத்தியது.  முன்னாள் அமைச்சர் ஜனார்த்தனரெட்டி மகளின் திருமணம் சிறப்பாக  நடத்துவதற்கான ஏற்பாடுகள் செய்துள்ளார். மேலும், இவர் பிறந்த பின்னரே நான்  சமூகத்தில் உயர்ந்த நிலைக்கு முன்னேற்றம் அடைந்தேன்.

எனவே, தனது மகளின்  திருமணத்தை யாரும் எதிர்பார்க்காத வகையில் சிறப்பாக செய்யவேண்டும் என்ற  முடிவுக்கு ஜனார்த்தனரெட்டி வந்துள்ளார். திருமண அழைப்பிதழே கோடி ரூபாய்  மதிப்பில்  தயாரிக்கப்பட்டதாகும். அதாவது ஆடியோ வீடியோ மூலம் அனைவரையும்  வரவேற்பது போன்ற திருமண அழைப்பிதழ் தயாரிக்கப்பட்டிருந்தது.

இந்நிலையில்  நேற்று முன்தினம் ஜனார்த்தனரெட்டியின் மகளுக்கு நலுங்கு சடங்கு ஏற்பாடு  செய்யப்பட்டிருந்தது. இந்த சடங்கில் நடனமாடுவதற்காக 40க்கும் மேற்பட்ட  தனிப்பாடல்கள் இசையுடன் சிடி தயாரிக்கப்பட்டிருந்தது. அதில், மணமகளை  வாழ்த்துவது போன்று பாடல்கள் இடம்பெற்றிருந்தது. இந்த பாடல்  ஒலிப்பரப்பப்பட்டதும்,  தமிழ்  நடிககைகளான சினேகா, மீனா, ராதிகா, ராதா  மற்றும் நிரோஷா ஆகியோர் நடனம் ஆடி அனைவரையும் ஆச்சர்யபடவைத்தனர் என்பது  குறிப்பிடத்தக்கது.