ஊட்டி: நீலகிரியில் கடந்த அக்டோபர் மாத இறுதியில் இருந்து டிசம்பா் முதல் வாரம் வரை வடகிழக்கு பருவமழை பெய்தது. இதனால் நவம்பா் மாதத்தில் துவங்க வேண்டிய பனி பொழிவு தாமதமாக கடந்த மாதம்தான் துவங்கியது. துவக்கத்தில் இருந்தே கடுமையான பனிப்பொழிவு இருந்து வருகிறது. கடந்த சில நாட்களாக பனியின் தாக்கம் அதிகாித்து வருகிறது. இந்நிலையில் நேற்று முன்தினம் இரவு பனியின் தாக்கம் அதிகமாக காணப்பட்டது. கடும் உறைப்பனி பொழிவால் அதிகாலை நேரங்களில் சுற்றுலா பயணிகள் மற்றும் உள்ளூர் மக்கள் கடும் அவதிக்குள்ளாகினர்.

தேயிலை செடிகள் மற்றும் மலை காய்கறி செடிகளும் கருகி வருகின்றன. நேற்று ஊட்டியில் அதிகபட்சமாக 21 டிகிரி செல்சியசும், குறைந்தப்பட்ச வெப்பநிலை 4 டிகிரி செல்சியசாகவும் பதிவாகியிருந்தது. கடும் குளிா் காரணமாக தொழிலாளர்கள் ஊட்டி நகாின் பல இடங்களிலும் தீ மூட்டி குளிர் காய்ந்து வருவதையும் காண முடிந்தது. இதேபோல் நெல்லையில் நிலவிவரும் கடுங்குளிருக்கு 2 முதியவர்கள் பரிதாபமாக உயிரிழந்தனர்.