SUN குழுமத்திலிருந்து வெளிவரும் காலை நாளிதழ்

தொண்டைமான் மன்னர்களின் அரசியல் கோட்டையாக திகழ்ந்த திருமயம் மலைக்கோட்டை பொலிவு பெறுமா?

2015-12-26@ 19:28:02

புதுக்கோட்டை: புதுகை மாவட்டத்தில் திருமயம் உள்ளது. திருமயம் என்ற சொல் திருமெய்யம் என்ற பெயரில் இருந்து வந்தது. திருமெய்யம் என்றால் உண்மையின் இருப்பிடம் என்று பொருள்.  வடமொழிச் சொல்லான சத்யஷேத்திரம் என்ற பெயரில் இருந்து உருவானது. இங்குள்ள கோட்டைக்கு அருகில் இருக்கும்  சத்தியகிரீஸ்வரர் மற்றும் சத்தியமூர்த்தி கோயில்களால் சத்யஷேத்திரம் என்று அழைக்கப்பெற்றது. மஹா விஷ்ணு மெய்யர் என்ற பெயரிலும் அழைக்கப்படுவார். அவர் இங்கு வந்தது எழுந்தருளியதால் திருமெய்யம் என்ற பெயரில் அழைக்கப்படுகிது. இத்தகைய சிறப்புமிக்க திருமயத்தில், மலைக்கோட்டை 1676ம் வருடம் ராமநாதபுரம் சேதுபதி மன்னர் (மறவ மன்னர்கள் தங்களை சேதுபதி என்றழைத்துக் கொண்டனர்) விஜயரகுநாத சேதுபதி என்னும் கிழவன் சேதுபதியின் (கிபி 1671- 1710) காலத்தில் பயன்படுத்தப்பட்டது.

 இந்த கோட்டையில் சிவனுக்கும், திருமாலுக்கும் குடைவரை கோயில்கள் உள்ளன. இது  ஆழ்வார்களால் பாடல்பெற்ற தலம். இங்கே இசை கல்வெட்டுக்கள் உள்ளது.  வைணவர்களுக்கு இவ்வூர் சிறப்புமிக்கது. வரலாற்று சின்னமான இக்கோட்டை இந்திய அரசின் தொல்லியல் துறையால் பாதுகாக்கப்பட்டு வருகிறது. திருமயம் என்ற இந்த சிறு நகரம் பழமையும் நெடிய வரலாற்றையும் கொண்டு திகழ்கிறது. முத்தரையர்கள் கி.பி. 8-9ம் நூற்றாண்டுகளில் திருமயம் உள்ளடக்கிய பகுதிகளை அரசாண்டிருக்கலாம் என தொிகிறது. தொடர்ந்து சோழ மன்னர்கள், பாண்டிய மன்னர்கள், விஜயநகர அரசர்கள், பராக்கிரம பாண்டிய விஜயாலயத் தேவர், சுந்தரபாண்டிய விஜயாலயத் தேவர் போன்ற பாண்டிய குறுநில மன்னர்கள் என்று பலராலும் ஆளப்பட்டுள்ளது இந்த ஊர்.

ராமநாதபுரம் சேதுபதிகள் 16, 17 நூற்றாண்டுகளில் திருமயம் உள்ளடக்கிய பகுதிகளை தங்கள் ஆளுகைக்குள் கொண்டு வந்தனர். கிழவன் சேதுபதியின் காலத்தில் இந்த ஊர் சேதுபதி நாட்டின் வட எல்லையாகத் திகழ்ந்ததாம். ராமநாதபுரத்துக்கு எல்லையாக திருமயம் கோட்டை இருந்துவந்துள்ளது. எதிாிகளிடமிருந்து பாதுகாக்க கோட்டையில் பிரமாண்ட பீரங்கிகள் வைத்து காத்து வந்துள்ளார். பின்னர் சேதுபதி மன்னர்களின் மேலாண்மைக்குட்பட்டு இப்பகுதியை பல்லவராயர் ஆண்டு வந்தனர். கிபி. 1636ம் ஆண்டு  விஜயரகுநாத சேதுபதி என்னும் கிழவன் சேதுபதி ஆண்டு வந்தான். இவனுக்கு  பின் சேதுபதி தாண்டத்தேவன் என்பவன் ஆட்சிபொறுப்பை ஏற்க்கொண்டதும் கிழவன் சேதுபதி மகன் பவானி சங்கருக்கும், தாண்டத் தேவனுக்கும் அரசுரிமை குறித்து கருத்து வேறுபாடு ஏற்பட்டு போர் ஏற்பட்டது. இந்த போரில் புதுக்கோட்டை மன்னரின் உதவியால் வெற்றி பெற்ற தாண்டத்தேவன் புதுக்கோட்டை தொண்டைமான் மன்னருக்கு திருமயம் கோட்டையை வழங்கினான்.

 இந்த கோட்டை 1723ம் ஆண்டு முதல் தொண்டைமான் மன்னர்களின் கட்டுப்பாட்டில் இருந்துள்ளது. திருமயம் மலைக்கோட்டை ஒரு வட்ட வடிவில் அமைந்துள்ள கோட்டையாகும். கோட்டையைச் சுற்றி ஆழமான அகழிகள் இருந்ததற்கான அடையாளங்களை இன்றும் காண முடிகிறது. எனினும் இந்த அகழிகள் பல இடங்களில் தூர்ந்து போய்க் காணப்படுகின்றன. பாதுகாப்பு அரணாக அமைந்த வெளிச்சுற்று மதில்கள் சிதைந்த நிலையில் உள்ளன. உள்சுற்று மதில்கள் இன்றும் கட்டுக்கோப்பாக உள்ளன. ஏழு சுற்று மதில்கள் இருந்ததாக இங்கே காணப்படும் தொல்லியல் வரலாற்று அறிவிப்பு பலகைகள் சொல்கின்றன. திருமயம் மலைக்கோட்டைக்கு மூன்று நுழைவாயிகள் முறையே தெற்கு, தென் கிழக்கு மற்றும் வடக்கு திசைகளில் உள்ளன. இந்த நுழைவாயில்களில்  கோட்டை காவல் தெய்வங்களாக காக்கப்பட்டுவந்தன. வடக்கு வாயிலை பைரவரும், தென்கிழக்கு வாயிலை கருப்பரும், தெற்கு வாயிலை அனுமான், சக்தி கனபதி ஆகிய தெய்வங்களும் காத்து வந்தன. இக்கோயில்களில் இன்றும் வழிபாடுகள் நடந்து வருகிறது.

உள்கோட்டையின் கருங்கல் மதிலைச் சுற்றி மேல் பகுதியில் கட்டப்பட்டுள்ள செங்கற்களால் ஆன கைப்பிடிச் சுவற்றில் ஆயுதங்களை வைத்து கொள்வதற்கும் ஆட்கள் ஒழிந்து கொள்வதற்கும் இடைவெளிகள் காணப்படுகின்றன. உள்கோட்டைக்குச் செல்லும் பாதி வழியில் வலது பக்கத்தில் பாறையில் குடையப்பட்ட அறை (குகை) காணப்படுகிறது. ஒரு உயர்ந்த குன்றின் உச்சியில் இயற்கை அரண்களுடனும் கலை நேர்த்தியுடனும் அமைந்துள்ள திருமயம் மலைக்கோட்டையின் உள்கோட்டையைச் சுற்றி உயரமான மதிற்சுவர்கள் கட்டப்பட்டுள்ளன. இன்றும் இந்தச் சுற்று மதில்கள் கட்டுக் கோப்பாகத் திகழ்கின்றன. உள்கோட்டைக்கு ஊரின் மேற்குப் பகுதியிலிருந்து தொல்லியல் துறையால் பாதுகாக்கப்படுகின்ற நுழைவாயில்கள் உள்ளன. மலைக்கோட்டையின் உச்சியில் 20 அடி நீளம் கொண்ட  மேடையில் கிழக்கு நோக்கி ஒரு பீரங்கி நிறுவப்பட்டுள்ளது. இதற்கு பக்கத்தில் ஆழமான சுனை ஒன்றும் உள்ளது. இது போல கோட்டையின் தெற்கு நுழைவாயில் அருகே இரண்டு பீரங்கிகள் உள்ளன.

கோட்டையின் மொத்த சுற்றளவு 40 ஏக்கராகும். கோட்டையின் மேலிருந்து பார்த்தால் பல மைல்களுக்கு அப்பால் வருபவர்களை கூட அடையாளம் கண்டுகொள்ள முடியும். இக்கோட்டையிலிருந்து சேகரிக்கப்பட்ட உடை வாள்கள், பீரங்கிக் குண்டுகள், பீரங்கிகள், பூட்டுகள், சங்கிலிப் போர் உடைகள் போன்ற அரிய பல பொருட்கள் புதுக்கோட்டை மாவட்ட அருங்காட்சியகத்தில் காட்சிப்படுத்தப்பட்டுள்ளன. இங்குள்ள கோயில்களில் இருப்பது வெறும் சிற்பங்கள் மட்டும் இல்லை. இதில் உயிரோட்டமுள்ள கதையை சித்தரித்துள்ளனர் சிற்பிகள். வரலாற்று சிறப்பு மிக்க திருமயம் கோட்டை தொண்டைமான் மன்னர்களின் அரசியலுடன் அதிகம் தொடர்புடையதாகும். தற்போது தொல்லியல் துறை கட்பாட்டில் உள்ள இந்த ஊர் புதுக்கோட்டை மாவட்டத்தில் உள்ள சுற்றுலாதலங்களின் ஒன்றாக திகழ்கிறது. இந்த கோட்டைக்கு வெளிநாட்டினர் அடிக்கடி சுற்றுலா வந்து செல்வது வழக்கம். இதேபோல் இந்த கோட்டையில் அவ்வப்போது  சினிமா படப்பிடிப்புகளும் நடத்தப்பட்டு வருகிறது. வரலாற்று சிறப்பு மிக்க இக்கோட்டையை காண வரும் சுற்றுலா பயணிகள் பயன்பெற அடிப்படை வசதிகளை செய்ய தரவேண்டும். கோட்டை பொலிவாக்க வேண்டும் என இப்பகுதிமக்கள், சுற்றுலா பயணிகள் வலியுறுத்தியுள்ளனர்.

sinemet go sinemet
cialis coupon 2015 cicg-iccg.com cialis free coupon
generic for crestor 20 mg angkortaxidriver.com crestor.com coupons

மேலும் செய்திகள்

Like Us on Facebook Dinkaran Daily News
  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

  • manipurlandaa1

    தோண்ட தோண்ட சடலங்கள்.. மணிப்பூரில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 42 ஆக உயர்வு!!

  • America_Truck

    அமெரிக்காவில் டெக்சாஸ் மாகாணத்தில் லாரி ஒன்றில் 53 அகதிகள் சடலமாக மீட்பு... 16 பேர் கவலைக்கிடம்!!

  • wild-fire-california-30

    கலிபோர்னியாவில் மீண்டும் பற்றி எரியும் காட்டுத் தீ..135 ஏக்கர் வனப்பகுதி தீக்கிரை..!!

படங்கள் வீடியோ கல்வி சினிமா ஜோ‌திட‌ம்