மும்பை: முகமத் என்ற பெயரில் முகமது நபிகளின் வாழ்க்கை வரலாற்றைப் படமாக எடுத்த ஈரானிய இயக்குநர் மஜித் மஜிதி மற்றும் அந்தப்  படத்துக்கு இசையமைத்த ஏ.ஆர்.ரஹ்மான் ஆகியோருக்கு எதிராக பத்வா எனப்படும் தடை விதிக்கப்பட்டுள்ளது. மும்பையைச் சேர்ந்த சன்னிப் பிரிவு  அமைப்பான ரஸா அகாடமி இந்த பத்வாவை அறிவித்துள்ளது.

இது தொடர்பாக ரஸாக் அகாடமி நேற்று வெளியிட்ட அறிக்கையில் கூறியிருப்பதாவது:  மஜித் மஜிதி எடுத்துள்ள முகமத் - மெஸஞ்சர் ஆப் காட் படம்  இஸ்லாத்தின் அடிப்படைக் கோட்பாடுகளுக்கு எதிரானது. எந்த முஸ்லிமும் இந்தப் படத்தைப் பார்க்கக் கூடாது. இந்தப் படத்தை இந்தியாவில் தடை  செய்யுமாறு மத்திய அரசுக்கு கடிதம் எழுதப்பட்டுள்ளது. மஜித் மஜிதி மற்றும் ஏ.ஆர்.ரஹ்மானுக்கு ‘பத்வா’ விதிக்கப்படுகிறது. இவ்வாறு அதில்  கூறப்பட்டுள்ளது.