பீகார் : சாதி வாரி புள்ளி விவரங்களை மத்திய அரசு கட்டாயம் வெளியிடவேண்டும் என்று ராஷ்ட்ரிய ஜனதா தளம் தலைவர் லாலு பிரசாத் யாதவ் வலியுறுத்தியுள்ளார். பாட்னாவில் செய்தியாளர்களிடம் பேசிய அவர் இதனை தெரிவித்தார். சமூக பொருளாதார சாதிவாரி கணக்கெடுப்பு புள்ளி விவரங்களை வெளியிட்ட மத்திய அரசு அதனை ஏன் முழுமைமாக வெளியிடவில்லை என கேள்வி எழுப்பினார்.

மத்திய அரசும் பிரதமரும் நாட்டிலுள்ள சாதிவாரி புள்ளி விவரங்களை வெளியிட வேண்டும் என்று வலியுறுத்திய அவர் யாருடைய நிர்பந்தத்தின் பேரில் பிரதமர் மோடி முழுமையான விவரங்களை வெளியிடவில்லை என்று கேள்வி எழுப்பினார். கடந்த மூன்றாம் தேதி சமுக பொருளாதார சாதிவாரி மக்கள் தொகை கணக்கெடுப்பை மத்திய அரசு வெளியிட்டுள்ளது. மத்திய நிதி அமைச்சர் அருண் ஜெட்லி உரக வளர்ச்சித்துறை அமைச்சர்  பீரேந்திர சிங் ஆகியோர் கூட்டாக வெளியிட்ட இந்த கணக்கெடுப்பில் சாதிவாரி விவரங்கள் வெளியிடப்படவில்லை என்பது குறிப்பிடத்தக்கது.