புது டெல்லி: மகளிர் பேட்மின்டன் ஒற்றையர் பிரிவு தரவரிசையில் இந்தியாவின் நட்சத்திர வீராங்கனை சாய்னா நெஹ்வால் முதலிடத்துக்கு  முன்னேறி மகத்தான சாதனை படைத்தார். இந்திய ஓபன் சூப்பர் சீரீஸ் பேட்மின்டன் தொடரின் அரை இறுதியில் நடப்பு நம்பர் 1 வீராங்கனை கரோலினா மரின் (ஸ்பெயின்) நேற்று அதிர்ச்சி  தோல்வி அடைந்ததை அடுத்து, சாய்னா முதலிடம் பிடிப்பது உறுதியானது. இந்த சாதனையை நிகழ்த்தும் முதல் இந்திய வீராங்கனை என்ற பெருமை அவருக்கு கிடைத்துள்ளது. அதிகாரப்பூர்வ தரவரிசைப் பட்டியலில் வரும் வியாழனன்று வெளியாகும்.

பைனலுக்கு முன்னேறினார்: தரவரிசையில் நம்பர் 1 இடத்தை பிடித்த உற்சாகத்துடன் அரை இறுதியில் களமிறங்கிய சாய்னா 2115, 2111 என்ற நேர்  செட்களில் ஜப்பானின் யூய் ஹாஷிமோட்டோவை வீழ்த்தி இறுதிப் போட்டிக்கு தகுதி பெற்றார். பைனலில் அவர் தாய்லாந்தின் ரட்சனோக்  இன்டனானை எதிர்கொள்கிறார்.