சென்னை: சென்னை அண்ணாநகர், திருமங்கலம் போலீஸ் ஸ்டேஷன் கடந்த 30 வருடங்களுக்கு முன்கட்டப்பட்ட கட்டிடத்தில் செயல்படுகிறது. கடந்த 2 வருடங்களுக்கு முன்பு இந்த கட்டிடத்தில் கம்ப்யூட்டர் இருந்த அறை யின் மேல்கூரையின் ஒரு பகுதி இடிந்து விழுந்தது. இந்நிலையில், நேற்று மாலை இன்னொரு அறையின் மேற்கூரையின் ஒரு பகுதி உடைந்து விழுந்தது. இந்த கட்டிடம் தொடர்ந்து அவ்வப்போது இடிந்து விழுவதால், அங்கு போலீசார் அச்சத்துடனே பணியாற்றுகின்றனர்.