புதுடெல்லி: கடந்த டிசம்பர் மாதத்தில் தொழிற்சாலை உற்பத்தி 2 ஆண்டுகளில் இல்லாத அளவு அதிகரித்திருந்தது. டிசம்பர் மாத உற்பத்தி புள்ளி  54.5 ஆக இருந்தது. ஆனால், 3 மாதங்களில் இல்லாத அளவு ஜனவரியில் இது 52.9 ஆக சரிவடைந்துள்ளது. உற்பத்தி பொருட்களுக்கான விலை  குறைந்த பட்சமாக நிர்ணயித்திருந்த போதிலும் போதுமான ஆர்டர்கள் இல்லாததால் உற்பத்தியில் பின்னடைவு ஏற்பட்டதாக தொழில்துறை  வட்டாரங்கள் தெரிவிக்கின்றன. தொழிற்துறை வளர்ச்சி பொருளாதாரத்தில் முக்கிய பங்கு வகிப்பதால், ரிசர்வ் வங்கி வட்டி விகிதத்தை மேலும்  குறைத்து இத்துறையை ஊக்குவிக்க வேண்டும் எனவும், இதன்மூலம் வளர்ச்சி சாத்தியமாகும் என்றும் தொழில்துறையினர் எதிர்பார்க்கின்றனர்.