பிராங்பர்ட்: கம்ப்யூட்டர் சிப்கள் தயாரிப்பதில் பிரபலமான இன்டெல் நிறுவனம், ஜெர்மனியை சேர்ந்த சிப் தயாரிப்பு நிறுவனமான லான்டிக்கை வாங்க  ஒப்பந்தம் செய்துள்ளது. இன்டர்நெட் இணைப்பு சாதனங்கள் தயாரிக்கும் திட்டத்தை மேம்படுத்தும் வகையில் இந்த ஒப்பந்தத்தை இன்டெல்  மேற்கொண்டுள்ளதாக தெரிகிறது. ஆனால், எந்த தொகைக்கு வாங்குகிறது என்ற விவரத்தை இந்நிறுவனம் வெளியிடவில்லை. ஸ்மார்ட் போன்கள்  பயன்பாடு அதிகரித்து வரும் நிலையில், இன்டர்நெட்டுடன் இணைக்கும் ஒயர்லெஸ் சாதனங்களின் தேவையும் அதிகம் உள்ளது. இன்னும் 10  ஆண்டுகளில் ஒயர்லெஸ் சாதன பயன்பாடு இரண்டு மடங்காகும் என எதிர்பார்க்கப்படுகிறது.