மதுரை : தமிழ் மாநில காங்கிரஸ் இளைஞரணி சார்பில் உறுப்பினர் சேர்க்கைக்கான பிரசார ரதத்தின் பயணம் ஜன. 27ல்  சென்னையில் துவங்கியது. இந்த ரதம் நேற்று காலை மதுரை வந்தது. முனிச்சாலை சந்திப்பில் பிரசார ரதத்திற்கு த.மா.கா தலைவர் ஜி.கே.வாசன் தலைமையில் நிர்வாகிகள் வரவேற்பு அளித்தனர். பின்னர் வாசன் நிருபர்களிடம் கூறியதாவது:

தென் மாவட்டங்களில் பன்றிக்காய்ச்சல், டெங்கு காய்ச்சல் அதிகளவில் பரவியுள்ளது. இதை கட்டுப்படுத்த தமிழக அரசு நடவடிக்கை எடுக்க வேண்டும். இந்தியாவில் 22 கோடி இளைஞர்கள் வேலையில்லாமல் உள்ளனர். தமிழகத்தில் மட்டும் 94 லட்சம் பேர் உள்ளனர். இளைஞர்களுக்கு வேலைவாய்ப்பை உருவாக்க மத்திய, மாநில அரசுகள் எந்த திட்டங்களையும் உருவாக்கவில்லை. ஸ்ரீரங்கம் தொகுதியில் ஜனநாயக முறைப்படி தேர்தல் நடத்தவேண்டும். தேர்தலுக்காக நியமிக்கப்பட்ட அதிகாரிகள், அப்பணியை முறையாக செய்ய வேண்டும். இவ்வாறு அவர் கூறினார்.