சத்தியமங்கலம் : முதியோர், விதவை, கணவரால் கைவிடப்பட்டோர், மாற்றுத்திறனாளி உள்ளிட்டோருக்கு மாதந்தோறும் ரூ.1000 தமிழக அரசு சார்பில் ஓய்வூதியமாக வழங்கப்பட்டு வருகிறது. இதில், ஈரோடு மாவட்டத்தில் மட்டும் 19,000 பேர் பயன் அடைகின்றனர். அவர்களில், 4,050 பேருக்கு கடந்த ஓராண்டு காலமாக ஓய்வூதியத் தொகை வழங்கப்படுவது நிறுத்தி வைக்கப்பட்டது. இதுகுறித்து, வட்டாட்சியர் அலுவலகத்திலும் கலெக்டர் அலுவலகத்திலும் மனு அளித்தும் நடவடிக்கை எடுக்கப்படவில்லை. இதையடுத்து நேற்று ஆயிரத்துக்கும் மேற்பட்ட பயனாளிகள் ஓய்வூதிய உத்தரவு கடிதத்துடன் சத்தியமங்கலம் வட்டாட்சியர் அலுவலகத்தை முற்றுகையிட்டனர்.

தகவலறிந்து வந்த அதிகாரிகள் அவர்களை தனியார் திருமண மண்டபத்திற்கு வேன்களில் ஏற்றிச்சென்றனர். அங்கு வட்டாட்சியர் அலுவலக பணி யாளர்களைக்கொண்டு ஓய்வூதிய உத்தரவு கடிதத்தை சரிபார்க்கும் பணியில் ஈடுபட்டு ள்ளனர். இதுகுறித்து சத்தியமங்கலம் தாசில்தார் சேதுராஜ் கூறும்போது,  இதுவரையிலும் ஓய்வூதியத் தொகை வராமல் இருப்பதாக மொத்தம் 1272 மனுக்கள் பெறப்பட்டுள்ளன. இம்மனுக்களின் மீது நடவடிக்கை எடுக்கப்படும் என்றார்.