சென்னை : எழும்பூரில் நடந்த வக்கீல் கொலைக்கு கண்டனம் தெரிவிக்கும் வகையில் வக்கீல்கள் நேற்று நீதிமன்ற புறக்கணிப்பில் ஈடுபட்டனர். எழும்பூரில் பெருநகர குற்றவியல் நடுவர் நீதிமன்றம் உள்ளது. இங்கு ஆண்டு தோறும் வக்கீல்கள் சங்க தலைவர் மற்றும் நிர்வாகிகள் தேர்தல் நடைபெறும். இந்தாண்டு தேர்தல் கடந்த வெள்ளியன்று நடந்தது. சந்தன்பாபு தலைமையில் ஒரு அணியும், மைக்கேல் தலைமையில் மற்றொரு அணியும் போட்டியிட்டது. இதில் சந்தன்பாபு வெற்றி பெற்றார். இந்த கொண்டாட்டத்தின் போது சந்தன்பாபு ஆதரவாளர் வக்கீல் ஸ்டா லின் கொலை செய்யப்பட் டார். இது தொடர்பாக, 4 பேர் கைது செய்யப்பட்ட னர். தலைமறைவாக உள்ள 30க்கும் மேற்பட்டோரை தேடி வருகின்றனர். இந்த சம்பவத்திற்கு பின்னர், எழும்பூர் நீதிமன்ற வளாகத் தில் உள்ள அனைத்து நீதிமன்றங்களும் நேற்று செயல்பட்டன. ஆனால், வக்கீல்கள் நீதிமன்ற பணிகளை நேற்று புறக்கணித்தனர். ஸ்டாலின் கொல்லப்பட்டதை கண்டித்து துக்க தினமாக அனுசரித்தனர்.

இதுகுறித்து வக்கீல் ஒருவர் கூறுகையில், “வக்கீல் சங்க தேர்தல் முடிவுகள் வெளியிடும் போது போதுமான போலீஸ் பாதுகாப்பு வழங்கப்படவில்லை. தற்போது வக்கீல்கள் என்ற போர்வையில் பல கிரிமினல்கள் சுற்றித்திரிகின்றனர். அவர்கள் மீது போலீசார் கடுமையான நடவடிக்கை எடுக்க வேண்டும்” என்றனர். பாதுகாப்பு குறித்து போலீஸ் அதிகாரிகள் கூறுகையில், “நாங்கள் போதுமான அளவு பாதுகாப்பு அளிக்கிறோம். ஆனால், வக்கீல்கள் எங்களுக்கு ஒத்துழைப்பு அளிப்பது இல்லை“ என்று குற்றம் சாட்டினர்.